Եթե ֆորսմաժորային իրավիճակ չլինի` Ադրբեջանը բանկցային սեղանին չի վերադառնա. (տեսանյութ)

«Հայկական դիվանագիտւթյունը այս փուլում փորձում է լուծել Ադրբեջանի վրա ճնշում գործադրելու և ճնշման միջոցով Ադրբեջանին կառոցողական դաշտ վերադարաձնելու խնդիրը»,- «Անդրադարձ» մամուլի ակումբում լրագրողների հետ զրույցում ասաց քաղաքագետ Հրանտ Մելիք -Շահնազարյանը ՝ հավելով, որ ասվածը երևում է ԱՄՆ-ում նախագահի արած հայտարարություններից:

Նա նկատեց, որ վերջին օրերին սահմանային իրավիճակների լարումով Ադրբեջանը ցույց է տալիս, ԱՄՆ-ում Հայաստանի և Ադրբեջանի երկրների ղեկավարների հանդիպում չի կարող կայանալ. «Ադրբեջանը որոշել է, որ բանակցային սեղանին չի վերադառնալու, եթե չլինի իր համար ֆորսմաժորային իրավիճակ: Որևէ հիմք չունենք ասելու, թե սահմանային լարվածությունը պակասելու է, սա հակամարտություն է, որը վերջին երեք տարվա ընթացքում աճի տենդենց է ցույց տալիս»,-ասաց նա:

Քաղաքագետը նաև մանրամասնեց, որ Ադրբեջանը այս կերպ փորձում է շեղել բնակչությանը ներքին խնդիրներից և վերջին օրերին Ադրբեջանի հայտնած զոհերի անունները ցույց են տալիս, որ իրենք առաջնագիծ են բերում ազգային փոքրամասնությունների ներկայացուցիչներին:

Քաղաքագետը գտնում է, որ Հայաստանին մաքսիմալ զգոնություն է հարկավոր:

Հրանտ Մելիք-Շահնազարյանը մտահոգիչ է համարում նաև այն, որ միջազգային ճնշումը չի աշխատում, միջազգային զսպման գործոնը չի աշխատում, խաղաղասիրական կոչեր կան միայն, որոնք առաջ չեն գնում:

«Նախկինում կար համատեղ մարտավարություն մշակելու, տարածաշրջանում անվտանգություն ապահովելու միտում, իսկ այսօր դա չի աշխատում»,- ընգծեց նա:

Քաղաքագետի խոսքով ՝ Ադրբեջանը և Թուրքիան այս փուլում էլ ավելի են սրելու իրավիճակը թե Արցախի, թե Հայաստանի ուղղությամբ և անհրաժեշտ մշտապես պահել զգոնությունը, շարունակել զսպել հակառակորդ Ադրբեջանին: Հրանտ Մելիք Շահնազարյանը կարծում է, որ սահմանային լարվածությունը կպահպանվի:

Մանրամասները ՝ տեսանյութում