Մենք համաձայն չենք Ադրբեջանի պայմանների հետ. արտգործնախարար
Վաշինգտոնյան հռչակագրում Հայաստանը և Ադրբեջանը համաձայնության եկան այն հիմնական սկզբունքների շուրջ, ըստ որոնց պետք է ընթանա ապաշրջափակումը, և դա խիստ կարևոր է։ DW-ին տված հարցազրույցում դրա մասին հայտարարել է ՀՀ արտգործնախարար Արարատ Միրզոյանը։
Ըստ նրա՝ դա չափազանց կարևոր է, ամբողջ բանակցային գործընթացի ամենակարևոր ասպեկտներից մեկը։
Նա շեշտել է, որ հայկական հողում գտնվող ենթակառուցվածքները պետք է գործեն Հայաստանի իրավասության ներքո, իսկ ադրբեջանական ենթակառուցվածքները՝ Ադրբեջանի իրավասության ներքո։
«Մենք նախաստորագրեցինք նաև խաղաղության պայմանագիր, որը շատ, շատ կարևոր է։ Զուգահեռաբար, տեղերում գործընթացներ են ընթանում. օրինակ՝ մենք սկսել ենք միջպետական սահմանի սահմանազատումը։ Արդեն որոշել ենք 12 կիլոմետրանոց սահմանային գիծը։ Դա աննախադեպ է։ Նաև փոխադարձ ըմբռնում ունենք այն մասին, թե ինչպես պետք է շարունակվի այս գործընթացը. մենք համաձայնության ենք եկել սկզբունքների շուրջ»,- հավելել է նախարարը։
Միրզոյանը նշել է, որ դա հեշտ գործընթաց չէ. հակառակ դեպքում ամեն ինչ վաղուց կարվեր։
Նա ենթադրել է, որ սահմանազատումը կշարունակվի նույն տեմպերով, իսկ գուցե նույնիսկ արագանա։
«Ինչ վերաբերում է տրանսպորտային կապերին, ինչպե՞ս պետք է համաձայնեցնենք պայմանները։
Հայաստանը և Միացյալ Նահանգները համաձայնության են եկել երկաթուղու մի հատվածի ճակատագրի շուրջ։ Այդ հատվածը պետք է կառուցվի և այնուհետև պահպանվի ամերիկա-հայկական կոնսորցիումի կողմից, որն, օրինակ, կարող է վարձել երրորդ ընկերության՝ ամենօրյա գործողություններ իրականացնելու համար։
Տրանսպորտային կապերի վերաբերյալ հաջորդ քայլը կլինի այդ պայմանների շուրջ համաձայնեցումը, այնուհետև մնացած երկաթուղային հատվածի շինարարության մեկնարկը։ Դա ևս կարող է լինել խողովակաշար, բայց այստեղ մենք պետք է սկսենք զրոյից։
Հաջորդ փուլը խաղաղության պայմանագրի ստորագրումն է։ Սակայն այստեղ կա մի նրբերանգ. ադրբեջանական կողմը, ցավոք, առաջ է քաշում խաղաղության պայմանագիր ստորագրելու նախապայմաններ։ Մենք համաձայն չենք դրա հետ. մենք ունենք հակափաստարկներ։ Սակայն նրանք կարծում են, որ մեր Սահմանադրության հետ կապված խնդիր կա. սա նրանց տեսակետն է։
Նրանք ուզում են, որ մենք փոփոխենք Սահմանադրությունը։ Սա այն պայմանն է, որը մենք մերժում ենք։ Միևնույն ժամանակ, մենք ունենք Սահմանադրությունը փոփոխելու կամ նոր Սահմանադրություն ընդունելու օրակարգ. մենք քաղաքական հայտարարություն ենք արել։
ՀՀ Սահմանադրությունում չկա ոչինչ, որը կարող է վկայել Ադրբեջանի նկատմամբ տարածքային պահանջների մասին։
Ադրբեջանական կողմի առաջ քաշած խնդիրը պարզապես գոյություն չունի։ Սակայն Ադրբեջանն այդտեղ խնդիր է տեսնում, ուստի նախապայմաններ է առաջադրել։ Մենք համաձայն չենք այս պայմանի հետ, բայց, ինչպես ասացի, Հայաստանի նոր Սահմանադրության փոփոխության կամ ընդունման մասին մենք առանց դրա էլ խոսում ենք 2018 թվականից։ Հանձնաժողովն արդեն ավարտում է աշխատանքը, և մենք, ամենայն հավանականությամբ, այս հարցի վերաբերյալ հանրաքվե կանցկացնենք 2026 թվականի խորհրդարանական ընտրություններից հետո։
Մենք պատրաստ ենք անհապաղ ստորագրել խաղաղության պայմանագիրը»,- հավելել է Միրզոյանը։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
