Թրամփը դիմել է Պուտինին

ԱՄՆ նախագահ Դոնալդ Թրամփը հայտարարել է, որ Ուկրաինան ցանկանում է անցնել հարձակման։ «Ես որոշում կկայացնեմ այդ հարցի վերաբերյալ, բայց նրանք կցանկանային անցնել հարձակման, և մենք պետք է որոշում կայացնենք», - ասել է Թրամփը Սպիտակ տան մամուլի ասուլիսում։

Հարցին, թե արդյոք ԱՄՆ-ն քննարկում է «Տոմահավկ» հրթիռներից բացի Ուկրաինային որևէ այլ զենք փոխանցելու հարցը, Թրամփը պատասխանել է, որ ուսումնասիրում է այլ տարբերակներ։ «Ես պետք է որոշում կայացնեմ այդ հարցի վերաբերյալ», - ընդգծել է Սպիտակ տան նախագահը։

Ամերիկացի առաջնորդի խոսքով՝ նա մտադիր է քննարկել ռուս-ուկրաինական պատերազմը հոկտեմբերի 17-ին Ուկրաինայի նախագահ Վլադիմիր Զելենսկիի հետ կայանալիք հանդիպման ժամանակ։ Սակայն Թրամփը չի մանրամասնել, թե կոնկրետ ինչ են քննարկելու։ Նա հավելել է, որ Ռուսաստանն Ուկրաինայի հետ պատերազմում կորցրել է 1,5 միլիոն մարդ, հիմնականում՝ զինվորականներ։

«Ռուսաստանը պետք է հաղթեր այս պատերազմում առաջին շաբաթում, և այն արդեն շարունակվում է չորս տարի», - ասել է Թրամփը։ Նա նաև դիմել է Ռուսաստանի նախագահ Վլադիմիր Պուտինին. «Դադարեցրեք ուկրաինացիներին սպանելը և դադարեցրեք ռուսների սպանելը»։