Հերիք է երգեք, սկսեք խոսել. Շպռոտը կոչով դիմել է երգիչներին

«Մեր տղերքը չեն նահատակվել, որ ասենք մերսի, տղերք ջան, կամ խոնարհվում եմ, կամ ՝ սիրում եմ բոլորիդ ու մատիկներով սրտիկ։ Մենք պիտի պահենք իրենց պահած Սրբությունները՝ Հավատք, Եկեղեցի, Հող։»,-սոցցանցերի իր էջերում նման գրառում է  արել երգիչ Անի Թովմասյանը, որն առավել հայտնի է որպես Շպռոտ։

Նա կոչով դիմել է իր գործընկեր երգիչ-երգչուհիներին.

«Ով ոնց կարա պիտի շարունակի։ Նամանավանդ մտավորականները։ Կարծում եմ՝ փոխանակ նրանց երգեր նվիրելու ՝ երգիչները կարող են սկսել խոսել։ Երգիչներ, հերիք է երգեք, սկսեք խոսել։ Արարատից խոսեք, Եկեղեցու պատմությունից խոսեք, Հայոց պատմությունից խոսեք։ Լսարան ունեք՝ խոսեք մեր արժեքներից։ Կամ համ երգեք , համ խոսեք։

Շատ անգամ ուրախացնելը անտարբերության է տանում մարդկանց։ Ես էլ եմ շատ սիրում իմ հանդիսատեսի ուրախ աչքերը, բայց չեմ ուզում տեսնել նրանց անտարբեր Հայրենիքի հանդեպ։ Դերասաններ ՝ կիրթ մարդիկ եք, հերիք է արվեստով խոսեք։ Ինչո՞ւ Եկեղեցու ծառայողների պատիվը չեք պահում, ինչո՞ւ Արարատի և Արցախի պատիվը չեք պահում։ Ինչո՞ւ մեր Նահատակ զինվորների Սրբությունները չեք պահում։ Ո՞ւր են տարիքով հարգված մտավորականները։ Ո՞ւր են պատմաբանները, ո՞ւր են Հայագետները։

Լավ ո՞ւր են մեր արդեն ծերացած Ֆիդայինները։ Ուր են չաղացած ռաբիզ երգիչները։ Ուր են փող չսիրող Բժիշկները։ Խոսեք ժողովուրդ, հերիք է երգեք։ Իսկ եթե դատարկ է քո ներսը, Երազանք չունես, ասելիք չունես՝ Եղիշե կարդա։ Հետո Մաշտոցի գիրքը կարդա, հետո Այգեկցի։ Շնորհալին սառը ցնցուղ կլինի քեզ համար։ Խոսեք մտավորականներ, Թարգմանեք Հայ Ժողովրդի Դժբախտությունը՝ դա Ձեր գործն է…

Մտավորականներին հնում թարգմանիչ են ասել։ Մտավորականը թարգմանում է ժողովրդի հույզերը հասկանալի լեզվով։ Մտավորականը՝ օրինակ, Տարիքով Պատմաբանը կարող է Ժողովրդին թարգմանել Նիկոլի քայլերը, քպ-ի ելույթները։ Օրինակ, Հարգի Հայագետը կարող է թարգմանել և մեկնել դավաճան քպ-ականի ելույթները։ Հայագետը ապացույցներով կթարգմանի Ժողովրդի համար մատչելի լեզվով ՝ Սուտը։ Մտավորականը շատ կարևոր Շնորք ունի, բացել ժողովրդի աչքերը և ծեծվել դրա համար։ Ժողովուրդը ձեր կարիքն ունի։ Քրիստոնյա Մտավորականը գանձ է Ազգի համար։ Գիտնականը Քրիստոնյա ավելի ուժեղ թարգմանիչ է։

Թարգմանեք Նիկոլենց խնդրում եմ, որ Ժողովուրդս հասկանա դրանց Օտար Լեզուն»։