Բեռնափոխադրողները բողոքի ակցիա են անում կառավարության մոտ

 ՀՀ կառավարության շենքի մոտ բողոքի ակցիա են անում բեռնափոխադրողները՝ գործադիրից պահանջելով ռուսական կողմի հետ քննարկումներ անել՝ ՌԴ օրենսդրական նոր կարգավորումներն իրենց համար մեղմացնելու համար։

Բանն այն է, որ այս տարվա հունվարի 1-ից ուժի մեջ են մտել ՌԴ-ում օտարերկրյա քաղաքացիների իրավական կարգավիճակի մասին 115–րդ դաշնային օրենքի նոր փոփոխությունները, ըստ որի՝ ոչ վիզային ռեժիմի երկրների քաղաքացիները, որոնք ՌԴ են մուտք գործում ոչ աշխատելու նպատակով. այսինքն՝ միգրացիոն քարտում «այցի նպատակը» բաժնում աշխատանքը նշված չէ:Օրացույցային տարվա ընթացքում կարող են մնալ 90 օր (նախկինում թույլատրելի էր տարվա յուրաքանչյուր 180 օրվա մեջ 90 օր-խմբ․)։

 

Այս փոփոխությունը վերաբերում է նաև ուղևորափոխադրում և բեռնափոխադրում իրականացնողներին։ ՌԴ նախագահի որոշմամբ՝ մինչև սեպտեմբերի 10-ը միգրանտներին հնարավորություն տրվեց կարգավորել խախտումներն ու շարունակել մնալ ՌԴ տարածքում՝ առանց վարչական տույժերի։ Քանի որ տրված ժամկետն արդեն սպառվել է, շուրջ 1 ամիս է՝ բավականին լուրջ հսկողություն է ՌԴ տարածքում, արդեն իսկ տասնյակից ավելի բեռնափոխադրողների արգելվել է ՌԴ մուտք գործել 5 տարի ժամկետով՝ թույլատրելի օրերի քանակը գերազանցելու համար։

 

«90 օրը քիչ է․ մոտավորապես 10 ամսում վարորդների 90 տոկոսն այդ օրերը սպառել են, խնդիր է իրենց համար, արդեն վտարելու են իրենց։ Սա միայն մեզ չի վերաբերում, մեր երկրի տնտեսության վրա է ազդելու