9-րդ դասարանի աշակերտուհին ինքնասպանության փորձ է կատարել

Լրագրող Ոսկան Սարգսյանը գրում է․

«9-րդ դասարանի աշակերտուհին մի կույտ դեղ խմելով՝ ինքնասպանության փորձ է կատարել:

Տավուշի մարզի գյուղերից մեկի 9-րդ դասարանի աշակերտուհու մայրը կասկածել է, որ իր 14-ամյա աղջիկը հեռախոսով սիրային նամակներ է գրում ինչ-որ տղայի։ Մայրն այդ մասին հարցումներ է արել դստերը, սակայն վերջինս ժխտել է, որ նման բան կա; Մայրը չհավատալով, հարմար պահ գտնելով՝ աղջկա ձեռքից խլել է նրա հեռախոսն և ուսումնասիրել դրա պարունակությունը Հեռախոսի մեջ աղջկան արատավորող լուսանկարներ կամ տեսանյութեր չեն եղել, լոկ՝ հեռախոսային հաղորդագրություններ։ Աղջիկը մոր տգեղ վարմունքից խիստ վիրավորված, մենակ մնալով ՝ իրենց տանը եղած, տարբեր հիվանդությունների դեմ մեծ քանակությամբ դեղերը կուլ է տվել, ցանկանալով ինքնասպան լինել։

Նա կորցրել է գիտակցությունը, հայտնվել կոմայի մեջ։ Աղջկան տեղափոխել են հիվանդանոց, ուր հանել են կոմայի վիճակից։ Համագյուղացիները հայտնում են, որ մայրն աղջկան առաջիկայում տեղափոխելու է Երևանի բուժհաստատություներից մեկը, որպեսզի պարզեն՝ աղջիկն ամբողջությամբ բուժվե՞լ է։ Աղջկա հայրը, որ վերջերս է արտագնա աշխատանքի մեկնել, դեպքից հետո պատրաստվում է Ռուսաստանից շուտ վերադառնալ»։