Տեսական և գործնական փուլի համար ամեն բան պատրաստ է, անձամբ համոզվեցի․ Անահիտ Ավանեսյան

Առողջապահության նախարար Անահիտ Ավանեսյանը Առողջապահության ազգային ինստիտուտում հետևել է անցումային անհատական լիցենցիայի տրամադրման նպատակով անցկացվելիք կենտրոնացված քննության կազմակերպման և իրականացման նախապատրաստական աշխատանքների ընթացքին։

Այս մասին սոցցանցի իր էջում նախարարը գրել է.  

«Վաղը կլինիկական օրդինատորների առաջին թեստային քննությունն է:

Տեսական և գործնական փուլի համար ամեն բան պատրաստ է, անձամբ համոզվեցի:

Այս օրերին բազմաթիվ օրդինատորներ արդեն իսկ եկել և օգտվել են փորձնական քննություն հանձնելու հնարավորությունից:

Մաղթում եմ հաջողություն և մինչև հանդիպում, սիրելի´ ուսանողներ»: