ՀՖՖ նախագահը երբևէ չի միջամտում ՀՖՖ կարգապահական և էթիկայի կոմիտեի աշխատանքներին. հայտարարություն
Հայաստանի ֆուտբոլի ֆեդերացիան հայտարարություն է տարածել, որտեղ նշված է.
«2025 թվականի հոկտեմբերի 6-ին Անի-14-1 - Աբովյան ակադեմիա-14 խաղի երկրորդ խաղակեսին տեղի է ունեցել միջադեպ Անի-14-1 թիմի անձնակազմի և խաղի մրցավարի միջև։ Միջադեպին անդրադարձել է Mediahub.am կայքը` նյութում իրականությանը չհամապատասխանող մի շարք պնդումներ անելով։
Ընդգծենք, որ միջադեպի վերաբերյալ տեղեկություն ստանալուց անմիջապես հետո ՀՖՖ Մրցումների և Մրցավարական դեպարտամենտի աշխատակիցները 10 րոպեի ընթացքում ժամանել են մարզադաշտ, զրուցել են միջադեպի մասնակիցների հետ, արձանագրել բոլոր հանգամանքները, և դրանք սահմանված կարգով ներկայացրել ՀՖՖ Կարգապահական և էթիկայի կոմիտեի քննարկմանը։
Անհրաժեշտ ենք համարում տեղեկացնել, որ հոդվածում տեղ գտած տեղեկատվությունը, թե ՖԻՖԱ-ի մրցավար Մեսրոպ Ղազարյանը «Խորեն Հովհաննիսյանի թիկունքն է պահել» աղերս չունի իրականության հետ, քանի որ նա միջադեպի վայրում ներկա է եղել ՀՖՖ խմբի կազմում և ոչ մի կարծիք տեղի ունեցածի վերաբերյալ չի հայտնել։ Առավել դատապարտելի է այն, որ Մեսրոպ Ղազարյանին վերագրել են «լավ են արել, որ ծեծի են ենթարկել» արտահայտությունն իր գործընկերոջ վերաբերյալ։
Անդրադառնալով հոդվածագրի այն պնդմանը, թե ՀՖՖ նախագահ Արմեն Մելիքբեկյանը հանդիպել է մրցավար Արմեն Խաչատրյանին՝ իրավիճակը հարթելու համար, ընդգծենք, որ նման հանդիպում տեղի չի ունեցել, և տեղեկացնենք, որ ՀՖՖ նախագահը երբևէ չի միջամտում ՀՖՖ կարգապահական և էթիկայի կոմիտեի աշխատանքներին, և Կոմիտեի կողմից քննվող իրադարձությունների վերաբերյալ կարծիք չի հայտնում Կոմիտեի անդամների օբյեկտիվության վրա ազդեցություն չունենալու համար։
Ինչ վերաբերում է հոդվածում տեղ գտած այն պնդմանը, թե ՀՖՖ-ն չի պատասխանել Mediahub.am-ի լրագրողին, ապա նշենք, որ դա ևս չի համապատասխանում իրականությանը, քանի որ հոկտեմբերի 8-ին լրագրողը դիմել է ՀՖՖ Հաղորդակցության բաժնի աշխատակցին, ստացել է գրավոր պատասխան, որից հետո հեռախոսազանգով նրան տեղեկացրել են, որ հավելյալ ինֆորմացիա կտրամադրվի ավելի ուշ։
ՀՖՖ-ն մշտապես հետամուտ է ցանկացած միջադեպի հանգամանքները պարզելուն, և վստահություն ենք հայտնում, որ ՀՖՖ կարգապահական և էթիկայի կոմիտեն կքննի գործի մանրամասները և կտա օբյեկտիվ գնահատական»։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
