Հանցախմբի կին անդամներից մեկին գրավի դիմաց ազատ կարձակեն. փաստաբան

Կենտրոն և Նորք-Մարաշ վարչական շրջանների ընդհանուր իրավասության դատարանը 500 հազար դրամի չափով գրավի դիմաց ազատ արձակեց Մարինե Կաթանյանին: Այս մասին newspress.am-ին հաղորդեց Մարինե Կաթանյանի փաստաբան Գիվի Հովհաննիսյանը:

Նա նաև նշեց, որ Մարինե Կաթանյանը ազատ կարձակվի այն ժամանակ, երբ գրավը մուծվի դեպոզիտ և կտրոն ներկայացնեն:

Գ. Հովհաննիսյանը նշեց, որ դատարանը մարդասիրական մոտեցում է ցուցաբերել՝ հաստատելով գրավի 500 000 դրամ գրավի չափը, քանի որ այն մինիմալ գումարն էր, նաև նկատի են ունեցել, որ երկու քույր են:

Նշենք, որ խոսքը վերաբերում է 2015 թվականի նոյեմբերի 25-ին Նորք-Մարաշում ԱԱԾ-ի կողմից վնասազերծված հանցավոր խմբի գործով կալանավորված Մարինե Կաթանյանին, ում գրավի դիմաց ազատ արձակելու համար նրա պաշտպաններ Ինեսա Պետրոսյանը և Գիվի Հովհաննիսյանը միջնորդություն էին ներկայացրել:

Փաստաբանը նշեց, որ 5:30-ին կքննարկվի նաև Ասյա Մկրտչյանի կալանավորումը գրավի դիմաց ազատ արձակելու հարցը: