3 բնակարան, 1 մեքենա, ինչ ունի ԿԳՄՍ փոխնախարարը
«Ժողովուրդ» օրաթերթը գրում է.
«Կրթության ոլորտը հրավտանգ դարձրած, դասագրքերի տպագրության գործընթացը տապալած ՀՀ կրթության, գիտության, մշակույթի եւ սպորտի փոխնախարար Արաքսիա Սվաջյանը նոր բնակարան է ձեռք բերել։ Նա պաշտոնների է նշանակվել ԿԳՄՍ նախարար Ժաննա Անդրեասյանի հետ մտերմության շնորհիվ։
Սվաջյանը քաղաքական պաշտոն զբաղեցրել է 2018 թվականի հեղափոխությունից հետո, իսկ փոխնախարար դարձել է 2023 թվականի հունվարի 3-ին։ Մինչեւ 2018 թվականը եղել է Խ. Աբովյանի անվան հայկական մանկավարժական համալսարանում գործող ՀՀ ԲՈՀ-ի «Մանկավարժություն» 020 մասնագիտական խորհրդի գիտական քարտուղար, մի շարք ծրագրերում ներառված է եղել որպես փորձագետ, ապա աշխատել է որպես Հանրապետական մանկավարժահոգեբանական կենտրոնի տնօրեն, որից հետո դարձել է փոխնախարար։ Նշանակումից ամիսներ անց մամուլում տեղեկություններ տարածվեցին, որ նորանշանակ փոխնախարարը իր մտերիմներին աշխատանքի է տեղավորում։ Հետո իրապես պարզվեց, որ Սվաջյանի նշանակումից 6 ամիս անց` հունիսի 23-ին, ԿԳՄՍ հանրակրթության վարչության պետ է նշանակվել Թամարա Սարգսյանը, որը, ըստ մամուլի հրապարակումների, փոխնախարարի մտերիմն է։
«Ժողովուրդ» օրաթերթը տեղեկացավ, որ փոխնախարարը հայտարարագրել է 2 բնակարան բազմաբնակարան շենքում, որոնք ձեռք են բերվել 2020 եւ 2016 թվականներին։ 2 բնակարաններն էլ գտնվում են Երեւան քաղաքում։
Նա նաեւ նախորդ տարի է նոր բնակարան գնել, կրկին Երեւանում, 28 միլիոն 333 հազար դրամ արժեքով։
2022 թվականին փոխնախարար Սվաջյանը ձեռք է բերել 2014 թվականի արտադրության Mazda մակնիշի մեքենա։
Նրա բանկային հաշիվների մնացորդները կազմել են 2 092 եվրո, 418 դոլար եւ գրեթե 5 մլն դրամ։
Կանխիկ դրամական միջոցները կազմել են 15 հազար դոլար։
ԿԳՄՍ նախարար ժաննա Անդրեասյանի սիրելի Արաքսիա Սվաջյանը հայտարարագրում նշել է, որ իր հաշվետու տարվա եկամուտները կազմել են 22 մլն 707 հազար դրամ, որից 20 մլն 562 դրամը աշխատանքի վարձատրություն է ՀՀ ԿԳՄՍ նախարարությունից։ Եկամտից 2 մլն 24 հազարը աշխատանքի վարձատրություն է Խաչատուր Աբովյանի անվան մանկավարժական համալսարանից, իսկ 120 հազար դրամը՝ «Արեւ» երեխայի զարգացման հիմնադրամից։
Սվաջյանի ստացած վարկերի եւ փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 26 մլն 692 հազար դրամ, որը բնակարանի հիփոթեքի մայր գումարի մնացորդն է»։
Մանրամասները՝ «Ժողովուրդ» օրաթերթի այսօրվա համարում:
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
Հայկական Վարդավառը՝ հունական Պոսեյդոնի ուղեկցությամբ. 199,5 մլն դրամ՝ տոնակատարության համար
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել. «Ժողովուրդ»
Կտրուկ վատացել է Գագիկ Ծառուկյանի մոր առողջական վիճակը․ «Հրապարակ»
Մոսկվայի հայ համայնքը հանդես է գալիս նախաձեռնությամբ՝ հաջակցություն Գագիկ Ծառուկյանի
Փաշինյանը որոշել է «ժերտվա տալ» մերձավորներին. «Հրապարակ»
Բանտում թե ազատության մեջ՝ Ծառուկյանը միևնույն է երկրում և աշխարհում շատ ավելի մեծ հարգանք է վայելել...
Գագիկ Ծառուկյանը հայտարարություն է տարածել
Ի՞նչ է նշանակում` բաժնի ղեկավարին աշխատանքից ազատել «հաստիքի կրճատման» հիմքով. ո՞ւմ եք ապուշի տեղ դն...
