Վարդան Ղուկասյանի դեմ քրգործ կհարուցվի՞․ «Հրապարակ»

«Հրապարակ» թերթը գրում է․ 

«Վարդան Ղուկասյանի հասցեին երեկ սպառնալից հայտարարություններ հնչեցին: Փաշինյանը, պատասխանելով գյումրեցի պատգամավոր Կարեն Սարուխանյանի հարցին, սպառնաց, որ Ղուկասյանին դուրս են շպրտելու քաղաքական ու հանրային դաշտից:

«Դա պետք է անի առաջին հերթին գյումրեցին»,- ասաց նա:

Հիշեցրինք, որ գյումրեցին իր քայլն արել է և ամիսներ առաջ իր ձայնը տվել է հենց Ղուկասյանին։

«Դա կարվի սահմանադրական, օրենքով նախատեսված ձեւերով՝ որպես ժողովրդավարական երկիր»,- շարունակեց նա: Անվստահությա՞ն միջոցով, բայց ավագանիում ընդդիմությունը մեծամասնություն է։ «Ունեն, բայց ցանկացած պահի կարող են չունենալ»:

Մտադիր եք մարդագողությա՞մբ զբաղվել։

«Դա մարդագողություն չէ, քաղաքական պրոցես է»:

Քրեական հետապնդումների միջոցո՞վ եք ոմանց ձեր կողմը բերելու: Այս հարցին պատգամավորը չպատասխանեց:

Ակնհայտ է, որ գործի է դրվել Փաշինյանի սիրելի քրեական մահակը, և իշխանություն խլելու սցենարն են կիրառելու»:

Մանրամասները՝ թերթի այսօրվա համարում