Դու, կինդ, որդիդ ի՞նչ գործ ունեիք Արցախում, եթե դա մեր տարածքը չէր. Սեյրան Օհանյան

Անհաջողությունների և պարտության պատճառները երեքն են. Առաջինը՝ 2018–ից սկսած լուրջ հարված է հասցվել ԶՈՒ կառավարման համակարգին, շարունակական և հաճախակի պաշտպանության նախարարի ու գլխավոր շտաբի պետի փոփոխությունները որոշակի ազդել են կառավարման համակարգի, մարտական խնդիրների իմացության և լայնամասշտաբ գործողություններում հաջողության հասնելու վրա։ Այս մասին «Եռաբլուր» պանթեոնում լրագրողների հետ զրույցում ասաց ԱԺ «Հայաստան» խմբակցության ղեկավար Սեյրան Օհանյանը։

«Այսօր նա ասում է՝ ի՞նչ գործ ունեիք Արցախում։ Իսկ դու ի՞նչ գործ ունեիր Արցախում կամ քո հարազատները, քո որդին, կինը։ Եթե դու եղել ես Արցախում և քո ներկայությունը ոչինչ չի բերել, իմաստը ո՞րն էր Արցախ գնալու, եթե  չես կարողացել մարտական գործողությունների ընթացքում քո ներկայությամբ, որպես ՀՀ իշխանության ղեկավար, որը ստանձնել է Արցախի անվտանգության երաշխավորի պատասխանատվությունը ոչինչ անել։

Երկրորդ, կառուցվածքային փոփոխություններն են ազդել բանակի մարտունակության վրա։ Կազմալուծվել են որոշ կառույցներ, փոխվել է սպառազինության և ռազմական տեխնիկայի գնումների փաթեթը։ Եվ երրորդը կարգապահությունն է»,-ասաց նա՝ ընդգծելով, որ պատերազմի ընթացքում չի եղել մեկն ով իր հեղինակությամբ կարող էր բանակին թիկունք լիներ ու բանակի առջև դրված խնդիրները լուծելը։