Քննվող վարկածներից մեկն այն է, որ սպանությունը կարող է կապված լինել ամիսներ առաջ Մերձավանում տեղի ունեցած վիճաբանության հետ. ՆԳՆ խոսնակ
ՆԳՆ խոսնակ Նարեկ Սարգսյանը լրագրողների հետ զրույցում ներկայացրեց սեպտեմբերի 23-ի ուշ գիշերը Փարաքարի համայնքապետ Վոլոդյա Գրիգորյանի սպանության նախաքննության ընթացքը։
Սարգսյանի խոսքով՝ ժամը 23:50-ի սահմաններում ստացվել է ահազանգ, որ հնչել են կրակոցներ։ Մահացածներից մեկը համայնքապետն էր, մյուսը՝ քրեական ոստիկանության աշխատակից։ Դեպքի վայր են մեկնել ոստիկանության օպերատիվ խմբերը, ստեղծվել է օպերատիվ շտաբ ՆԳ նախարարի գլխավորությամբ։
Նա նշեց, որ քրեական վարույթի շրջանակում ՆԳՆ աշխատակիցները, համագործակցելով այլ իրավապահ կառույցների հետ, իրականացրել են ծավալուն օպերատիվ-հետախուզական միջոցառումներ, և հանցանքի անմիջական կասկածանքով մեկ անձ արդեն ձերբակալվել ու ներկայացվել է նախաքննական մարմնին։
Ձերբակալվածին պատկանող շինությունում հայտնաբերվել են հանցագործության հետքեր և իրեր, այդ թվում՝ հանցագործության պահին օգտագործված դիմակ, ձեռնոցներ, կոշիկներ, բաճկոն, որոնք փորձել էին այրել, ինչպես նաև գիշերային տեսանելիության սարք։ Ներկայում իրականացվում են բազմաթիվ քննչական գործողություններ՝ դեպքի բոլոր հանգամանքները և հանցագործության գործիք հրազենը հայտնաբերելու համար։
Սարգսյանը ընդգծեց, որ հաշվի առնելով դեպքի հասարակական մեծ հնչեղությունը, ՆԳՆ-ն և ՔԿ-ն պարբերաբար հանդես կգան նոր հայտարարություններով։
Նշենք, որ քննվող վարկածներից մեկն այն է, որ սպանությունը կարող է կապված լինել ամիսներ առաջ Մերձավանում տեղի ունեցած վիճաբանության հետ, որի ընթացքում համայնքապետ Մհեր Ախթոյանի հորաքրոջ որդի՝ 29-ամյա Գրիգոր Օհանյանը, սպանվել էր։
Ավելի վաղ հայտնել էինք, որ ձերբակալվածը Գրիգոր Օհանյանի եղբայրն է:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
