Նախկին ՀՀԿ-ականը ՔՊ-ում թիվ 2 լիդերն է

«Ժողովուրդ» օրաթերթը գրում է.

««Ժողովուրդ» օրաթերթի տեղեկություններով՝ ՔՊ-ի վերնախավում դեռևս թեժ քննարկվում է ՔՊ վարչության ընտրությունների արդյունքները, որոնք ունեին շատ անակնկալներ: Ըստ նույն աղբյուրների՝ շատ ՔՊ-ականներ ովքեր կարծել են, թե արդեն լիդերներ են, իրենց խոսքը կուսակցության ներսում լսելի է, հայտնվել են տհաճ իրավիճակում կամ, կարելի է ասել, լուսանցքում:

Նախ՝ թեժ քննարկվել է ՀՀ էկոնոմիկայի նախարար Գևորգ Պապոյանի ձայների հարցը, որը Նիկոլ Փաշինյանից հետո երկրորդն է կուսակցությունում: Նախկին ՀՀԿ-ականը «Քաղաքացիական պայմանագրում» թիվ 2 լիդերն է, մինչդեռ նրան ժամանակին լուրջ չեն վերաբերվել թիմում:

Կարճ ասած՝ Փաշինյանից հետո կուսակցությունում Գևորգ Պապոյանն ու Վահագն Ալեքսանյանն են ամենաշատ ձայները հավաքել: Երևույթ, որը սառը ցնցուղ է եղել բոլոր նրանց համար, ովքեր իրենց թիմի լիդեր էին համարում։

Հաջորդը, ըստ «Ժողովուրդ» օրաթերթի աղբյուրների, ԱԺ ՔՊ խմբակցության պատգամավոր Արմեն Խաչատրյանի վարչության անդամ դառնալու հարցն է, որը տևական ժամանակ է քննարկվում է վարչությունում։ Խաչատրյանի ընտրությունն անակնկալ է եղել ՔՊ-ականների համար, քանի որ սյունեցի պատգամավորը համարվում է Անդրանիկ Քոչարյանի «աչքն ու ականջը» ՔՊ-ում, եւ կուսակցականները զարմացած են՝ ինչպես կարելի էր նրան վստահել:

Բայց եղածը եղած է, նոր վարչությունը 2 անգամ արված եռօրյա հաշվարկով վերջապես ձևավորվեց»։

Մանրամասները՝ «Ժողովուրդ» օրաթերթի այսօրվա համարում: