Կարևոր է Արցախի ժողովրդի՝ իրենց պատմական հայրենիք վերադարձի իրավունքը․ Արցախի թեմի առաջնորդ
2025 թ. սեպտեմբերի 25-ին Մայր Աթոռ Սուրբ Էջմիածնի Միջեկեղեցական հարաբերությունների բաժնում տեղի ունեցավ Արցախի թեմի առաջնորդ Տեր Վրթանես եպիսկոպոս Աբրահամյանի և Մայր Աթոռի Միջեկեղեցական հարաբերությունների բաժնի տնօրեն Տեր Գարեգին վարդապետ Համբարձումյանի հանդիպումը Թուֆենկյան հիմնադրամի հոգաբարձուների խորհրդի անդամ Անդրանիկ Գասպարյանի և «Save Armenia» ամերիկյան կազմակերպության տնօրեն Մաթիաս Պերտուլայի և կազմակերպության ներկայացուցիչների հետ։
Հանդիպման ընթացքում քննարկվեցին Արցախի հոգևոր և մշակութային ժառանգության պահպանմանն առնչվող հրատապ խնդիրներին, ընդգծելով, որ Ադրբեջանի վերահսկողության տակ անցած Արցախի հայկական պատմամշակութային ժառանգությունը հայտնվել է գոյաբանական սպառնալիքի տակ։ Արձանագրվեց մտահոգություն, որ ստեղծված պայմաններում մշակութային հիշողության միտումնավոր ոչնչացման վտանգը դարձել է ոչ միայն ռեալ, այլ նաև համակարգված գործելակերպի մաս։
Տեր Վրթանես եպիսկոպոս Աբրահամյանը ընդգծեց, որ գերեվարված հայերի, որոնց թվում են նաև Արցախի Հանրապետության պետական, քաղաքական ղեկավարները, անհապաղ ազատ արձակումը պետք է դիտվի ոչ միայն որպես մարդասիրական քայլ, այլև մարդու հիմնարար իրավունքների վերականգնման և միջազգային իրավական պարտավորությունների իրականացման պահանջ։ Նա դատապարտեց Ադրբեջանի կողմից գերության մեջ պահվող անձանց նկատմամբ կիրառվող ապօրինությունները՝ բնորոշելով դրանք որպես հակահայ քաղաքականության բացահայտ դրսևորում։
Սրբազան հայրը միևնույն ժամանակ կարևորեց Արցախի ժողովրդի՝ իրենց պատմական հայրենիք վերադառնալու իրավունքը՝ կոչ անելով միջազգային հանրությանը ցուցաբերել գործուն միջամտություն և աջակցություն։
Հոգևոր հայրերը շնորհակալություն հայտնեցին «Save Armenia» նախաձեռնության անդամներին՝ ամերիկյան հասարակական-քաղաքական շրջանակներում հայկական շահերի առաջմղման, Արցախի հարցի համաշխարհային հարթակներում բարձրաձայնման և իրազեկման գործում կատարած ջանքերի համար։
Հանդիպման ավարտին «Save Armenia» կազմակերպության անդամները շրջայց ունեցան Մայր Աթոռի տարածքում, այցելեցին Մայր Տաճարի նորաբաց թանգարան, որտեղ հաղորդակից եղան Հայ Եկեղեցու դարավոր սրբություններին ու գանձերին։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
