Մի հարամեք ձեր իսկ մատուցած մատաղը. Աշոտյանը՝ «Հայաստան« խմբակցության անդամներին

ՀՀԿ փոխնախագահ Արմեն Աշոտյանը խորհրդարանական լսումների առիթով շնորհավորեց «պատիվ ունեմ» խմբակցության պատգամավորներին։

«Երկու բաղադրիչով, ես կուզենայի մեր Ազգային Ժողովն այսպիսի տեսք ունենար, ոչ թե ֆիզիկական, այլ քաղաքական մտքի, ինչպիսին այսօր է։ Եվ այն համախմբվածության, որ մենք այսօր տեսնում ենք՝ տարբեր մեկնաբանություններով, տարբեր ելևէջումներով այնուամենայնիվ նախաձելի է։ Վաղուց այսպիսի բան չեմ լսել, ցավոք սրտի»,-ասաց Ա. Աշոտյանը։

Երկրորդ բաղադրիչի մասին խոսելիս՝ Աշոտյանը ողջունեց  «Հայաստան» դաշինիքի իր գործընկերների վերջապես կատարած քայլը, որով միացան իմպիչմենթի գործընթացին։

«Ափսոս էին չորս ամիսները, ափսոս էին այն կորուստները, որ տեղի ունեցան այս չորս ամսում, բայց ինչևէ։ Հուսով եմ՝ միասին կկարողանանք  կանխել նոր կորուստներ։ Հիմա նայում եմ իրենց սպասարկող լրատվամիջոցներում ինչ է կատարվում, տղեք, տպավորություն է ստեղծվել, որ տվել եք համաձայնությունը մեր ինադու, ոչ թե հանուն Նիկոլի հեռացման։ Մի արեք այդպես, ես հավատացի այն ամենին ինչ դուք այստեղից մեզ փորձեցիք ասել և ասեցիք։ Հետո մի հարամեք ձեր իսկ մատուցած մատաղը, որովհետև մատաղը պետք է ընդունելի լինի, ոչ թե հարամվող։ Հետևաբար խնդրում եմ հրահանգել ձեր տարատեսակ քարոզիչներին այն թեզը, թե բա տեսաք, ի՞նչ եղավ։ Ի՞նչ եղավ որ, Նիկոլին հեռացրի՞նք։  Չեմ հասկանում, իմ արև չեմ հասկանում»,-ԱԺ ամբիոնից հայտարարեց Աշոտյանը՝ դիմելով «Հայաստան» խմբակցության գործընկերներին։