Իրավապահները պետք է հետևություններ անեն, դեպքը կապված է միջանձնային հարաբերությունների հետ, քաղաքական չէ. Ալեն Սիմոնյանը՝ Մերձավանի սպանությունների մասին

Ազգային ժողովի նախագահ Ալեն Սիմոնյանը համաձայն չէ այն պնդումների հետ, որ իրենք ասոցացվում են մահի ու արյան հետ։

«Սխալ են ասում»,- լրագրողների հետ զրույցում հայտարարեց նա։

Սիմոնյանը հայտարարեց՝ անկախ նրանից՝ իշխանությունը կապ ունի, թե չունի Փարաքարի սպանությունների հետ՝ այո՛, դա ենթադրում է պատասխանատվության աստիճան։

«Այո՛, իրավապահները պետք է հետևություններ անեն։ Պարզ է, որ դեպքը կապված է միջանձնային հարաբերությունների հետ, կապված չէ քաղաքական դիրքորոշման հետ»,- նշեց նա։

ԱԺ նախագահի խոսքով՝ այն, ինչ տեղի է ունեցել Փարաքարում, «կատերգորիկ վատ է»։

«Շատ ցավում եմ, ևս մեկ անգամ ցավակցում եմ զոհվածների հարազատներին ու համարում եմ, որ մեր իրավապահները ժամանակ ունեն, առնվազն շատ արագ պետք է բացահայտեն»,- ասաց նա։