Իրանում մեկ շաբաթում մահապատժի է ենթարկվել 64 մարդ

Տարվա սկզբից Իրանի Իսլամական Հանրապետությունում գրանցվել է առնվազն 1000 բանտարկյալի մահապատիժ։ Անցած շաբաթվա ընթացքում գրանցվել է վաթսունչորս մահապատիժ։

Սա ռեկորդային թիվ է վերջին 30 տարվա ընթացքում, ըստ Իրանի մարդու իրավունքների դիտորդական կազմակերպության մամուլի հաղորդագրության։

Մահապատիժների 50%-ը կատարվել է թմրանյութերի հետ կապված հանցագործությունների համար, ևս 43%-ը՝ սպանության, իսկ 3%-ը՝ անվտանգության հետ կապված հանցագործությունների համար, ինչպիսիք են զինված ապստամբությունը և Աստծո նկատմամբ թշնամանքը։

Մահապատիժների ևս 3%-ը կատարվել է բռնաբարության, իսկ 1%-ը՝ Իսրայելի օգտին լրտեսության համար։ 1000 մահապատիժներից միայն 11%-ի մասին է հայտարարվել պաշտոնական աղբյուրների կողմից։