Լ. Տեր-Պետրոսյանի, Ռ. Քոչարյանի, Ս. Սարգսյանի անցուդարձը եղել է հանցավոր խմբի դիտակետում(տեսանյութ)

Նորք-Մարաշում վնասազերծված հանցախմբի նպատակը եղել է բռնությամբ իշխանություն զավթելը: Այսօր `մարտի 30-ին լրագրողների հետ հանդիպմանն ասաց ԱԱԾ քննչական վարչության պետի առաջին տեղակալ, քրեական գործով քննչական խմբի ղեկավար Միքայել Համբարձումյանը՝ ընդգծելով, որ նախաքննությունը դեռևս ընթացքի մեջ է:

Միքայել Համբարձումյանը տեղեկացրեց, որ խումբը ունեցել է իշխանությունը զավթելու ճանապարհային քարտեզ: Մասնավորապես, նոթատետրում նշված են գործողությունները և խմբի այն անդամնների անուները, ովքեր պետք է իրականացնեն տվյալ գործողությունները:
Google map ծրագրի միջոցով խմբի անդամները նկարահանել են երկրի առաջին, երկրոդ և գործող նախագահների առանձնատներն ու նրանց ընտանիքների գործողությունները: Ուշադրության կենտրոնում են եղել նաև ԱԺ-ի բոլոր պատգամավորների քայլերը: Չնայած դրան՝ քննչական խմբի ղեկավարը վստահեցնում է, որ թիրախում ոչ թե այդ անձինք էին, այլ այն վայրը, որտեղ գտնվում են նրանք:

Խումբն սկսել է ձևավորվել 2015թ-ի մայիսից, իսկ սեպտեմբեր-հոկտեմբեր ամիսներին արդեն հայտնվել է ԱԱԾ տեսադաշտում:

«Թեև խմբի անդամների կողմից եղել է Սերժ Սարգսյանի նկատմամբ մահափորձ կատարելու առաջարկ, սակայն խմբի ղեկավար Արթուր Վարդանյանը կանխել է այն և ավելի հստակ ու մեծ ծրագրեր է ներկայացրել»,-ասաց Միքայել Համբարձումյանը, ում խոսքով խմբի անդամներն իրենց գործողություններն արդյունավետ իրականացնելու համար պարապել են Արթուր Վարդանյանի ծննդավայր Ծաղկաբեր գյուղում:

Այս ընթացքում խմբի վրա ծախսվել է 65 հազար ԱՄՆ դոլար: Թե ով է ֆինանսավորել, ԱԱԾ-ին հայտնի է, սակայն Միքայել Համբարձումյանը անուններ չտվեց, միայն ասաց, որ նա թեև գործով մեղադրյալ է, բայց կալանավորված չէ: Բնակվում և գործունեություն է ծավալում ՀՀ-ում:

Համբարձումյանը նկատեց, որ առգարվված զենքը հիմնականում 90-ականներից եկած զենք-զինամթերք է եղել:

«Արթուր Վարդանյանը երկար ժամանակ ուշադրության կենտրոնում չի եղել, քանի որ զբաղվել է նար լեգալ գործունեությամբ և նրա անցուդարձն ու մեկնումները երկրից պատճառաբանվել է «Հայոց Վահան» կազմակերպության հետ կապված գործունեությամբ»,- ասաց Համբարձումյանը:

Նրա խոսքով՝ գործով մեղադրվել են 33 անձ, որոնցից 28-ը կալանքի տակ է: Քննչական խմբի ղեկավարը չի բացառում, որ այս ծրագրի հրահանգը եղել է դրսից: Համենայնդեպս, Վարդանյանը կապեր է ունեցել դրսի հետ: Ըստ Համբարձումյանի՝ նախաքննությունը կշարունակվի ևս 2-3 ամիս:

Համբարձումյանի խոսքով գործող պաշտոնյաներ հանցախմբի մեջ չկան.

«Դրանք մերկապարանոց, իրականությանը չհամապատասխանող լուրեր են: Հանցախմբում կան նախկին պաշտոնյաններ, ինչպես օրինակ Լևոն Շիրխանյանն է»,- ասաց Համբարձումյանը:

Մանրամասները` տեսանյութում