ՎիվաՍել-ՄՏՍ-ում 50-ից 90 տոկոս կրճատումներ են

Մարտի մեկին ՎիվաՍել-ՄՏՍ Հրազդանի մասնաճյուղերի աշխատակիցները ծանուցագրեր են ստացել, որ աշխատավարձի չափը փոխվում է, կանչելու են բոլորին հարցազրույցի, ընտրվելու են լավագույնները:

Newspress.am-ին ՎիվաՍել-ՄՏՍ-ի Հրազդանի մասնաճյուղի արդեն նախկին աշխատակիցներից մեկն ասաց, որ իրեն ևս ծանուցել են, մասնակցել է հարցազրույցին, հետո իրեն ասել են, որ չի համապաատսախնում, իսկ ինքը, ինչպես նաև Հրազդանի իրենց մասնաճյուղի աշխատակիցները 8-9 տարվա փորձ ունեն:

Այսինքն ստացվում է, որ ՎիվաՍել-ՄՏՍ-ի անգամ երկար տարիների աշխատակիցները ոչինչ չեն սովորում և անգամ ՎիվաՍել-ՄՏՍ-ի պահանջներին չեն համապատասխանում, հետևաբար հանրությանը մատուցվում է ոչ հավասարաչափ ծառայություններ:
Ըստ ՎիվաՍել-ՄՏՍ-ի նախկին աշխատակցի, Հրազդան մեկ մասնաճյուղից կրճատվել է աշխատակիցների 50 տոկոսը, իսկ Հրազդան երկու մասնաճյուղում մնացել է միայն մեկ աշխատակից:

Մեզ հետ զրույցում նա նաև նշեց, որ 200 հազար աշխատավարձ էր ստանում, այժմ թե ինչպես է ապրելու՝ չգիտի, քանի որ տանը միայն ինքն էր աշխատում: Նրանց նաև հինգ օր է տրվել՝ աշխատանք գտնելու համար. «Հայաստանում հինգ օրում հնարավո՞ր է աշխատանք գտնել, անգամ մեզ ինչպես հարկն է` չեն ծանուցել. պետք է երկու ամիս առաջ տեղյակ պահեին, ոչ թե՝ մեկ, հիմա չգիտեմ, թե ոնց եմ աշխատանք գտնելու, ամբողջ ընտանիքը իմ հույսին էր»:

Աշխատակցի տեղեկություններով` ՎիվաՍել-ՄՏՍ-ի բոլոր բաժանմունքներում կճատումներ են ընթանում: