Քարամյանին սոցապնախարարը զրկում է յուղոտ պատառից

Դեռևս 2007թ-ից մեկնարկել էր բնակարանի կարիք ունեցող ԵՊՀ երիտասարդ գիտնականների բնակարան ունենալու ծրագիրը, որն իրականացնում է Երևանի պետական համալսարանի շրջանավարտների միավորման նախաձեռնությամբ և Միավորման հոգաբարձուների խորհրդի նախագահ Սերժ Սարգսյանի օժանդակությամբ:

35 տարեկան, 20 տոկոս կանխավճար և մի շարք նման դրույթներ, հետագայում ծրագիրն ընդլայնվեց գիտնականների, մտավորականների, լրագրողների և մի շարք ոլորտների աշխատողների համար:

Նշենք, որ դեռևս անցած տարվանից որոշակի փոփոխություններ տեղի ունեցավ պահանջվող դրույթներում, մասնավորապես 20 տոկոս կանխավճարը հասավ 30 տոկոսի՝ Արսեն Քարամյանի թեթև ձեռքով:

Այժմ քննարկման և մշակման փուլում է աշխատանքի և սոցիալական հարցերի նախարարության առանց կանխավճարի բնակարանների ձեռքբերման ծրագիրը, քանի որ Հայաստանում բնակավող յուրաքանչյուր բանական քաղաքացի հասկանում է, որ երիտասարդ ընտանիքների համար իրոք պետք է մատչելի պայմաններ բնակարաններ ձեռք բերելու համար, ոչ թե անմատչելի պայմաններ առաջարկել, անունը դնել՝ մատչելի:

Առանց կանխավճարի բնակարան ձեռք բերելու ծրագիրը շատ երիտասարդ ընտանքիների հույս է տալիս, որ կկարողանան բնակարան ձեռք բերել, ապրել նորմալ բնակարանային պայմաններում, ոչ թե հայրական փոքրիկ հարկի տակ, կամ վարձով: Յուրաքնաչյուր, անգամ ոչ երիտասարդ ընտանիքի համար կանխավճար կոչվածն իրոք գլխացավանք է, քանի որ 5 հազար դոլարից մինչև 10 հազար դոլար հազվադեպ երիտասարդ ընտանիքներ ունեն, իսկ ովքեր ունեն, բանկից հիփոտեկով կարող են ձեռք բերել՝ չսպասելով պարոն Քարամյանի պոպուլիստական հյատարարություններին, ով ամեն կերպ փորձում է իր ՀԿ-ի միջոցով իրականացվող ծրագրով մոնոպոլիա ստեղծել բնակարանաիշինության ոլորտում:

Ասում են, որ Արսեն Քարամյանն անձամբ է դիմել Սերժ Սարգսյանին՝ այս ծրագիրը իր ՀԿ-ով իրականացնելու համար: Եվ այս տարիներին հարստացել է, շատ ընտանիքների թողնելով առանց տանիքի:

Եվ այժմ սոցապնախարարության առանց կանխավճարի ծրագիրը խանգարում է պարոն Քարամյանին, քանի որ այդ նախաձեռնությունը կարող է շարունակություն ունենալ, և արդեն քիչ հավանական է, որ պետությունը գումարներ կտրամադրի Քարամյանի ՀԿ-ին՝ բնակարաներ կառուցելու համար:

Նշենք նաև, որ Քարամյանի կառուցած բնակարաններից արդեն դժգոհություներ կան, տանիքը քանդվում է, քարեր են թափվում, անգամ երիտասարդ դասախոսների համար կառուցված շենքում Ծարավ Աղբյուրի 55/5 քանիցս խնդիրը բարձրացվել էր, քանի որ էժանագին հումքով կառուցված շենքի թերությունները երկար ծածկել հնարավոր չէ:

2010 թվականի դեկտեմբերին շահագործման հանձնված Ծարավ Աղբյուր 55/5 շենքի հիմնասյան վրա առաջացած ճաքերը և արտաքին պատերից թափվող սալիկներն իրական վտանգ են դարձել բնակիչների համար։

Խնդիրներ կան նաև շենքի ներսում. շենքի գլխավոր հիմնասյունը փխրուն է և չի տարբերվում կողային պատերից:

Այնպես, որ սոցապնախարարության ծրագիրը իրականացնելուց հետո Քարամյանը կզրկվի յուղոտ պատառի մոնոպոլիայից: