Ուկրաինական զորքերը Սումիի շրջանում հայտնվել են շրջափակման մեջ և տվել շատ մեծ կորուստներ

Ուկրաինայի զինված ուժերը մեծ թվով զինծառայողներ և տեխնիկա են կորցրել Յունակովկա բնակավայրի մոտ՝ Սումիի ուղղությամբ։ Այս մասին հաղորդում է ՌԻԱ Նովոստին՝ հղում անելով Ռուսաստանի անվտանգության մարմիններին։

Գործակալության աղբյուրը հայտնել է, որ ուկրաինական կազմավորումները պատրաստվում էին հարձակումներ իրականացնել Յունակովկայից հարավ գտնվող տարածքում։ Գործողությանը մասնակցել են 47-րդ առանձին մեխանիզացված բրիգադի մի քանի գրոհային խմբեր։

«Ոչնչացվել է թշնամու մեծ թվով անձնակազմ, երկու տանկ և մեկ զրահափոխադրիչ», - նշել են անվտանգության մարմինները։

Սեպտեմբերի 12-ին ՏԱՍՍ-ի լրագրողները, հղում անելով Ռուսաստանի անվտանգության մարմիններին, հայտնել են, որ 47-րդ առանձին մեխանիզացված բրիգադի զինծառայողների խումբը շրջապատվել է Յունակովկայի հարավում գտնվող անտառային տարածքում։ 

ՌԴ զինված ուժերը ուկրաինացի զինվորներին դուրս են մղել Յունակովկայից։ Նա մանրամասնել է, որ Ուկրաինայի զինված ուժերը անցյալ տարի այս բնակավայրից հարձակում են սկսել Կուրսկի մարզի Սուջա քաղաքի վրա։