Կատարի վարչապետը հայտարարել է, որ Դոհայում Իսրայելի հարձակումից հետո Գազայի շուրջ բանակցությունները դադարեցվել են

Գազայի հատվածում հակամարտության կարգավորման բանակցությունները, որոնցում Կատարը հանդես էր գալիս որպես միջնորդ, դադարեցվել են Դոհային Իսրայելի հարվածից հետո։

Այս մասին հայտարարել է կառավարության ղեկավար, էմիրության արտաքին գործերի նախարար շեյխ Մոհամմեդ բին Աբդուլ Ռահման ալ Թանին։

«Մենք ամեն ինչ արել ենք Գազայի շուրջ բանակցությունների հաջող գործընթացն ապահովելու համար։ Մենք ամեն ինչ արել ենք Գազայի դեմ ագրեսիան դադարեցնելու համար։ Ինչ վերաբերում է ներկայիս բանակցություններին, ես չեմ հավատում, որ դրանք կարող են կենսունակ լինել այսօր տեսածից հետո», - ասել է վարչապետը Դոհայում կայացած մամուլի ասուլիսում։

«Այս հարձակումը ոչ միայն միջազգային իրավունքի, այլև էթիկական նորմերի խախտում է։ Մենք խոսում ենք միջնորդ պետության մասին, որը պաշտոնապես ընդունում է բանակցությունները որպես միջնորդ այն պետության պատվիրակության ներկայությամբ, որը արձակել է այդ հրթիռները՝ մյուս կողմի բանակցային պատվիրակության վրա հարձակում իրականացնելու համար։ Արդյո՞ք սա թույլատրելի է որևէ էթիկական նորմի համաձայն։ Սա կարելի է անվանել միայն դավաճանություն, իսկ դավաճանությունը սովորական բան է նման երկրի համար», - նշել է կառավարության ղեկավարը։