Անհրաժեշտ կլինի տեսնել, թե ինչպես է իրականում գործելու ԱՄՆ-ում ձեռք բերված Հայաստանի և Ադրբեջանի միջև համաձայնագիրը. Լավրով

Ռուսաստանի արտաքին գործերի նախարար Սերգեյ Լավրովը հայտարարել է, որ անհրաժեշտ կլինի տեսնել, թե ինչպես է իրականում գործելու ԱՄՆ-ում ձեռք բերված Հայաստանի և Ադրբեջանի միջև համաձայնագիրը՝ նշելով, որ սկզբնական ոգևորված ճիչերը փոխարինվել են սկեպտիկ գնահատականներով։

«Մենք պետք է տեսնենք, թե ինչպես է այն գործելու, քանի որ Վաշինգտոնում հանդիպումից հետո առաջին մի քանի օրերին լսված բոլոր ոգևորված արձագանքները,  հետագայում փոխարինվել են սկեպտիկ գնահատականներով, երբ փաստաթուղթը հրապարակվել է։ Եվ, ինչպես պարզվում է, այնտեղ ամեն ինչի շուրջ համաձայնություն չի եղել», - ասել է Լավրովը ուսանողների և դասախոսների հետ հանդիպման ժամանակ։

Նա նշեց, որ Բաքվի և Երևանի միջև ԱՄՆ-ում կնքված համաձայնագիրը ծագել է Ռուսաստանի, Ադրբեջանի և Երևանի նախագահների միջև 2020-2022 թվականների համաձայնագրերի հիման վրա։

«Հենց Ռուսաստանի Դաշնությունն էր, որը ներկայացված էր նախագահ Պուտինի կողմից, որը վճռորոշ դեր խաղաց այսպես կոչված Երկրորդ Ղարաբաղյան պատերազմի բռնկումից հետո: Նախագահը հասավ համաձայնագրի, որը ստորագրեցին և՛ վարչապետ  Փաշինյանը, և՛ նախագահ Ալիևը 2020 թվականի նոյեմբերին... այնուհետև տեղի ունեցան մի շարք այլ եռակողմ գագաթնաժողովներ, որոնց ընթացքում ձեռք բերվեցին համաձայնություններ տնտեսական կապերի և տրանսպորտային ուղիների ապաշրջափակման վերաբերյալ», - նշեց Ռուսաստանի արտաքին գործերի նախարարության ղեկավարը։