Ուղիղ տեքստով ասում են՝ Ալիևը կջղայնանա․ իշխանությունները փորձել են խոչընդոտել «Արցախի կանչ» հուշահամալիրի բացմանը. Արթուր Վանեցյան

Հայաստանի իշխանություններն այսօր փորձել են խոչընդոտել «Եռաբլուր» զինվոևրական պանթեոնում  «Արցախի կանչը» հուշահամալիրի միջոցառմանը։ Այս մասին լրագրողներին հայտնեց ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը։

«Սկզբից ուզեցել են չթողնել, բանավոր մեզ տեղեկացրել են՝ չգաք, բացումն այսօր չանեք, որից հետո ասել են՝ ուժ են կիրառելու։ Հետո երևի հասկացել են, որ դա սխալ քայլ կլինի, մի փոքր, ինչ ասեմ՝ փոքր վատություն են արել, լույսերն են անջատել,  թույլ չտալով տեղադրել բարձրախոսներ, որպեսզի զոհվածների ընտանիքների անդամները չկարողանան իրենց սրտի խոսքն ասեն։ Ուղիղ տեքստով ասում են, Ալիևը կջղայնանա»,-մանրամասնեց Վանեցյանը։

Խոսելով հուշահամալիրի կառուցման նախաձեռնության մասին՝ նա նշեց, որ նման միտք ծնվել է շատ արցախցիների հետ շփումների, քննարկումների արդյունքում, նման գաղափար են ունեցել Արցախի նախագահ Սամվել Շահրամանյանը, Արցախի ՆԳՆ Կարեն Սարգսյանը, Արցախի իշխանության այլ ներկայացուցիչների մոտ։

«Ծանր է ասել, բայց մարդիկ գերեզմաններ չունեն, զրկվել են տնից, տեղից, հայրենիքից, նաև գերեզմաններից։ Հուշահամալիրը կառուցվել է իմ ընտանիքի միջոցներով»,-ի պատասխան լրագրողների հարցերին՝ ասաց Վանեցյանը։