Շիրակի մարզպետն ու ՀՀ-ում ՄԱԿ-ի գրասենյակի մշտական համակարգողը քննարկել են ԼՂ-ից տեղահանվածների բնակապահովման ծրագրին առնչվող հարցեր
Շիրակի մարզպետ Դավիթ Առուշանյանն այսօր ընդունել է Հայաստանում ՄԱԿ-ի գրասենյակի մշտական համակարգող Ֆրանսուազ Ժակոբին: Այս մասին տեղեկացնում են Շիրակի մարզպետարանից:
Մարզպետը ողջունել է հյուրին, կարևորել ՄԱԿ-ի գրասենյակի կոմից իրականացված ծրագրերը մարզում։
«Ուզում եմ շնորհակալություն հայտնել Շիրակի մարզ այցելելու համար։ Շիրակը Հայաստանի հյուսիսային հատվածում է և սահմանակից է երկու պետությունների՝ Թուրքիային և Վրաստանին։ Գյումրին իր մեծությամբ մեր երկրի 2-րդ քաղաքն է համարվում և մշակութային հարուստ ժառանգություն ունի։ Չնայած երկրաշարժից հետո արդյունաբերական մեծ ներուժը կորցրեց, սակայն այժմ հաստատուն քայլեր է անում թեթև արդյունաբերության զարգացման, զբոսաշրջության, գյուղատնտեսության զարգացման առումով։ Գյումրին ունի ենթակառուցվածքներ, որոնց նպատակային օգտագործումը կարող է լուրջ արդյունքների բերել։ Կառավարությունն անում է հնարավորը՝ համայնքների համաչափ զարգացման, դպրոցների, մանկապարտեզների, առողջապահական հաստատությունների նորոգման, հիմնանորոգման, ճանապարհների կառուցման և վերանորոգման նպատակով։ Շիրակի մարզպետի աշխատակազմն ու ես անձամբ ջանք չենք խնայի փոխադարձ հետաքրքրություն ներկայացնող իրատեսական նախաձեռնությունները կյանքի կոչելու համար»,- նշել է Դավիթ Առուշանյանը։
Հայաստանում ՄԱԿ-ի գրասենյակի մշտական համակարգողը շնորհակալություն է հայտնել մարզպետին ջերմ ընդունելության համար՝ ընդգծելով, որ այցի նպատակը Հայաստանում ՄԱԿ-ի գրասենյակի կողմից առաջիկա 5 տարիների համար ծրագրերի մշակումն է, որոնք առնչվելու են մարդու իրավունքներին, առողջապահական, կրթական, էկոնոմիկայի ոլորտներին, կանաչապատմանը։
Հանդիպման ժամանակ քննարկվել են Լեռնային Ղարաբաղից բռնի տեղահանվածների բնակարանային ապահովման ծրագրին, մարզում անօթևանության խնդրին վերաբերող մի շարք հարցեր ևս։
Դավիթ Առուշանյանն ու Ֆրանսուազ Ժակոբն այցելե են «Հայկական կարմիր խաչի ընկերության Գյումրու շուրջօրյա խնամքի կենտրոն»։
Ընկերության նախագահ Դավիթ Ներսիսյանի ուղեկցությամբ պատասխանատուները շրջել են հաստատությունում, ծանոթացել պայմաններին, որից հետո հանդիպում է եղել կենտրոնում բնակվող ավագ սերնդի ներկայացուցիչների հետ։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ուկրաինան անօդաչուներով հարվածներ է հասցնում Սոչիին. կան վիրավորներ
