Աշխարհում 673 միլիոն մարդ տառապում է սովից. ՄԱԿ-ը թվեր է հրապարակել

Աշխարհի բնակչության թերսնումից տառապող մարդկանց քանակը վերջին տարվա ընթացքում նվազել է մինչև 673 միլիոն մարդու, սակայն Աֆրիկայում և Արևմտյան Ասիայում քաղցած մարդկանց թիվը աճում է։

Սա բխում է ՄԱԿ-ի Սննդի և գյուղատնտեսության կազմակերպության կողմից հրապարակված աշխարհում պարենային անվտանգության և սննդի վիճակի մասին զեկույցից։

«2024 թվականին աշխարհի բնակչության 8.2%-ը, կամ մոտ 673 միլիոն մարդ, տառապել է սովից՝ համեմատած 2023 թվականի 8.5%-ի և 2022 թվականի 8.7%-ի հետ», - ասվում է տեքստում։

Նշվում է, որ այս դրական միտումը կտրուկ հակադրվում է Աֆրիկայում և Արևմտյան Ասիայում քաղցած մարդկանց թվի կայուն աճին: Աֆրիկայում սովից տառապող բնակչության մասնաբաժինը 2024 թվականին գերազանցել է 20%-ը կամ 307 միլիոն մարդ։ Արևմտյան Ասիայում այն կազմել է 12.7% կամ ավելի քան 39 միլիոն մարդ։