Պեսկովը խոսել է Պուտինի և Զելենսկու հնարավոր հանդիպման մասին

Կրեմլը հաստատել է Ռուսաստանի և Ուկրաինայի միջև ուղիղ բանակցությունների նոր փուլի ծրագրերը: Ռուսաստանի նախագահի մամուլի քարտուղար Դմիտրի Պեսկովը հայտարարել է, որ հանդիպումը կարող է տեղի ունենալ այս շաբաթ, սակայն Մոսկվան լուրջ առաջընթաց չի սպասում:

«Մենք սպասում ենք, որ բանակցությունները տեղի կունենան այս շաբաթ», - նշել է Պեսկովը։

«Մենք կհայտարարենք ճշգրիտ ամսաթիվը, հենց որ պատրաստ լինենք»,-հավելել է Պեսկովը:

Կրեմլի խոսնակի խոսքով՝ քննարկումների ընթացքում նախատեսվում է խոսել կողմերի  պատրաստված հուշագրերի նախագծերից։ Սակայն, ինչպես ընդգծել է Պեսկովը, բանակցությունների նոր փուլի ընթացքում առաջընթաց ակնկալելու որևէ պատճառ չկա:

Նա հավելել է, որ փոխանակման և դիակների վերադարձման հարցերի քննարկումն արդեն կարելի է համարել արդյունք:

Պեսկովը նաև մեկնաբանել է Ռուսաստանի և Ուկրաինայի նախագահների հանդիպման հնարավորությունը։ Նրա խոսքով՝ նման հանդիպում մոտ ապագայում չի քննարկվում։

«Մինչև բարձր և ամենաբարձր մակարդակներում հանդիպումների հնարավորության մասին խոսելը, դեռ շատ աշխատանք կա անելու», - ասել է Պեսկովը։