Վրաստանից արտաքսված անձանց թիվն ավելացել է

2025 թվականի հունվարից մինչև հունիս ընկած ժամանակահատվածում Վրաստանից արտաքսվել է 525 մարդ, ինչն ավելի է նախորդ տարվա արտաքսվածների թվից (363)։

Այս տեղեկությունը հայտնել են Ներքին գործերի նախարարությունից։

Վիճակագրության համաձայն՝ տարվա առաջին եռամսյակում 219 մարդ ստիպված է եղել լքել երկիրը, իսկ երկրորդ եռամսյակում այս թիվը հասել է 306-ի։

Ինչ վերաբերում է արտաքսվածների քաղաքացիությանը, ապա տարվա առաջին 6 ամիսներին Վրաստանից ամենաշատը արտաքսվել են Հնդկաստանի քաղաքացիներ, որին հաջորդում են Իրանը և Չինաստանը։

Վրաստանից արտաքսված քաղաքացիների առաջատար հնգյակը 2025 թվականի հունվար-հունիս ամիսներին՝ ըստ երկրների.

Հնդկաստան — 89 արտաքսված անձ,

Իրան — 82 արտաքսված անձ,

Չինաստան — 62 արտաքսված անձ,

Թուրքիա — 55 արտաքսված անձ,

Ռուսաստան — 33 արտաքսված անձ։

Հատկանշական է, որ հաշվետու ժամանակահատվածում Վրաստանից արտաքսված անձանց 32.57%-ը Հնդկաստանի կամ Իրանի քաղաքացիներ են։ 

Մանրամասները՝ Aliq.ge-ում