Ադրբեջանը ձգտում է ստեղծել ՀՀ տարածքի հանդեպ միջազգայնորեն ճանաչված վեճի նախադեպ
Քաղաքական մեկնաբան Հակոբ Բադալյանը գրում է․
Մարդիկ նստած քննարկում են՝ ճանապարհին ամերիկյան միջնորդությունն է ձեռնտու Հայաստանին, թե՞ ռուսական, թե ինդոնեզական, ճապոնական կամ չգիտեսինչական:
Սա հնարավոր է անել միայն քաղաքական անգրագիտության կամ պարզապես օտար գործակալական մղումների դեպքում:
Ներեցեք, գիտեք, հարգելի հետեւորդներ, որ ես բացարձակապես չեմ առաջնորդվում որեւէ տարբեր տեսակետ «գործակալությամբ» կնքելու բանաձեւով, բայց տվյալ պարագայում այլ չափում լինել չի կարող՝ կամ քաղաքական անգրագիտություն, խնդրի ռազմա-քաղաքական էության բացարձակապես անհամարժեք ընկալում, կամ գործակալություն, երբ այս կամ այն երկիրը ուղիղ կամ անուղղակի պատվիրակում է առաջ մղել իր շահը:
Կրկնեմ, այստեղ մաքսային բրոքերի ընտրության հարց չէ, այստեղ դաշնակցի ընտրության հարց չէ: Այստեղ շատ պարզ հարց է՝ Հայաստանի հանրապետության ինքնիշխան տարածքի կենսագործունեության ռեժիմ: Եվ, եթե այդ ռեժիմի սահմանման հարցում դիտարկվում է որեւէ երրորդ կողմ՝ անկախ դրա գործառութային իրավասության չափից, դա նշանակում է ՀՀ ինքնիշխան, միջազգայնորեն ճանաչված տարածքը «ճանաչել» հակառակ տրամաբանության մեջ՝ որեւէ կերպ վիճահարույց տարածք, որի հանդեպ վեճը հարթվում է երրորդ կողմի տարբերակի կիրառումով:
Այսօր այդ կերպ վեճը կհարթվի, իսկ վաղը, մյուս օրը՝ դա էլ արդեն բավարար չի լինի վեճը հարթելու համար, մինչդեռ նախադեպը կլինի ստեղծված: Այն, ինչին ձգտում է Ադրբեջանը՝ ստեղծել Հայաստանի տարածքի հանդեպ միջազգայնորեն ճանաչված վեճի նախադեպ:
Հիմա, կրկնեմ, Ադրբեջանին այս հարցում օգտակար հնարավոր է լինել միայն կամ որեւէ օտար գործակալ, կամ քաղաքականապես տկարամիտ լինելու դեպքում: Ներեցեք այդ կոշտ ձեւակերպումների համար: Չունեմ որեւէ մեկին վիրավորելու կարիք, դրա համար չեմ ասում տկարամիտ ընդհանրապես, ասում եմ՝ քաղաքականապես տկարամիտ: Սա է, ինչպես ասում են՝ ոչինչ անձնական: Այդ նույն մարդիկ որեւէ հարցում գուցե բանիմաց եւ խորագետ են ամբողջապես, բայց, եթե քաղաքականության մեջ ի վիճակի չեն տարբերակել շատ պարզ իրողություններ, պետք է պարզապես ձեռնպահ մնան դրանց առնչությամբ հանրայնորեն արտահայտվելուց՝ ելնելով հանրային ու պետական շահից:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Էս խայտառակ ընտրությունների արդյունքները լեգիտիմացնելու են ոչ թե էն մարդիկ, ում վիժվածքը ողջ գիշեր զ...
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
27/7 ընտրատեղամասում ԲՀԿ ստացել է 77 ձայն, ԿԸՀ կայքում նշված է 1 ձայն. ԲՀԿ-ն մի շարք ընտրատեղամասեր...
Արթուր Դավթյանի մայրը «լայքում է» Լևոն Քոչարյանին (լուսանկար)
