ԱԺ-ում քննարկում են ՀՀ-ԵՄ Համապարփակ եւ ընդլայնված գործընկերության համաձայնագրի կիրարկման հարցերը
ՀՀ ԱԺ եվրոպական ինտեգրման հարցերի մշտական հանձնաժողովի նախագահի տեղակալ Մերի Գալստյանը հուլիսի 14-ին հանդիպել է ՀՀ ֆինանսների նախարարի տեղակալ Ավագ Ավանեսյանի եւ նախարարության ներկայացուցիչ Սերգեյ Շահնազարյանի հետ:
Հանդիպման ընթացքում քննարկվել են Հայաստան-Եվրոպական միություն Համապարփակ եւ ընդլայնված գործընկերության համաձայնագրի (CEPA) կիրարկման գործընթացին վերաբերող հարցեր:
Մերի Գալստյանը, ներկայացնելով հանդիպման 3 հիմնական նպատակները, նշել է, որ ԱԺ եվրոպական ինտեգրման հարցերի մշտական հանձնաժողովի գլխավոր մանդատն է CEPA-ի արդյունավետ կիրարկումը խորհրդարանական վերահսկողության շրջանակում, ինչպես նաեւ դրա հանրային հաղորդակցության բարձրացմանը նպաստելը: Այս համատեքստում նա կարեւորել է նաեւ համաձայնագրի կիրարկման գործընթացում առաջացած խնդիրների վերհանումը եւ մատնանշել դրանց լուծման տարբերակները:
Ֆինանսների փոխնախարար Ավագ Ավանեսյանը մանրամասն ներկայացրել է համաձայնագրից բխող գնումների արդյունավետության եւ թափանցիկությանն ուղղված բարեփոխումները, մասնավորապես` էլեկտրոնային գնումների թվայնացման, թվային հարթակի ներդրման գործընթացը: «E-Procurement» էլեկտրոնային հարթակի մշակման եւ գործարկման նպատակով պետական գնումների արդյունքներն արդեն ամփոփվելու են այս տարվա հուլիսին, իսկ թվային հարթակի նախնական գործարկումը մրցույթի ամփոփումից հետո մեկ տարվա ընթացքում: Պետական գնումների ոլորտում իրականացվել եւ իրականացվում են մի շարք բարեփոխումներ դրանց թափանցիկության բարձրացման, կոռուպցիոն ռիսկերի նվազեցման, բողոքարկման, հավասար հնարավորությունների ապահովման, շահերի բախման բացահայտման ընթացակարգերի լավարկման ուղղությամբ: Նախորդ տարիների համեմատ աննախադեպ նվազել է մեկ անձից գնումների քանակը ներդրված կանխարգելիչ միջոցառումների շնորհիվ: Կարեւորվել է պետական գնումների արդյունքում մատուցվող ծառայությունների որակի անկախ վերահսկման գործառույթի կարեւորությունը: Այս գործընթացում էական է քաղաքացիական հասարակության մասնակցությունը:
Անդրադարձ է կատարվել գնումների ոլորտում առաջացած խնդիրներին, օրենսդրական դաշտում կատարված բարեփոխումներին եւ կարգավորումներին: Հիմնական մարտահրավերներն են գնումների կառավարման երկարաժամկետ եւ ռազմավարական պլանավորման կարողությունների զարգացումը, գնումների ընթացակարգերում տարբեր պետական օղակների ներգրավվածության մեծ քանակը եւ գործընթացի միկրո-կառավարումը, ինչն ավելորդ ծանրաբեռնում է համակարգը:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
