Ռուսաստանը ադրբեջանական մրգերում «հայտնաբերել է գյուղատնտեսական վնասատու»

Ռուսաստանի կարգավորող մարմինները հայտարարել են, որ գյուղատնտեսական վնասատու են հայտնաբերել Ադրբեջանից ներմուծված դեղձի և նեկտարինի երկու խմբաքանակներում, քանի որ երկու երկրների միջև լարվածությունը շարունակում է աճել։ Այս մասին գրել է oc-media.org-ը։

Ռուսաստանի Սննդամթերքի անվտանգության դաշնային ծառայությունը՝ «Ռոսսելխոզնադզորը», հինգշաբթի օրը հայտարարել է, որ Կրասնոդարի պահեստում գտնվող 18 տոննա թարմ դեղձի և նեկտարինի մեջ արևմտյան ծաղկային տրիպսներ են հայտնաբերվել։

Արևմտյան ծաղկային տրիպսը գյուղատնտեսական վնասատու է, որը Եվրասիական տնտեսական միության շրջանակներում սահմանափակումների է ենթարկվում։

Ռուսաստանը, քաղաքական լարվածության ժամանակ, հաճախ է առողջապահական ու սանիտարական մտահոգությսւններհայտնում՝ կապված սննդամթՎրացական գինիները և Բորժոմի հանքային ջուրը արգելվեցին 2006 թվականին՝ Կրեմլի և այն ժամանակվա Վրաստանի նախագահ Միխեիլ Սաակաշվիլիի միջև լարվածության աճի պատճառով: Ռուսաստանը վերացրեց արգելքը 2013 թվականին՝ Սաակաշվիլիի իշխանությունը կորցնելուց կարճ ժամանակ անց:

Ռուսաստանը Ադրբեջանի հիմնական առևտրային գործընկերներից է։ 2024-ին Ադրբեջանը Ռուսաստան արտահանել է մոտ 1,2 մլրդ դոլարի ապրանք՝ հիմնականում միրգ, ընկույզ, պնդուկ և պլաստմաս։Երկու երկրները նախկինում միմյանց մեղադրել են անորակ արտադրանք արտահանելու մեջ։

2020 թվականի դեկտեմբերին Լեռնային Ղարաբաղի երկրորդ պատերազմից հետո Ադրբեջանը ոչնչացրեց 7320 կիլոգրամ ռուսական արտադրանք՝ ենթադրաբար մակաբույծների հայտնաբերման պատճառով։