ԴԱՀԿ-ն ազատամարտիկի ընտանիքին վտարել է տանից

ԴԱՀԿ աշխատակիցները այսօր տանից վտարել են ազատամարտիկ Խաչիկ Գասպարյանի ընտանիքին: Ազատամարտիկը վաշխառուից գումար է վերցրել առողջական խնդիրները լուծելու համար, վճարումը ուշացրել է, գործը հասել է դատարան. «23 հազար դոլար վերցրել եմ՝ 6 ամիս պայմանագրով, 8 ամիս ուշացրել եմ, ապա 31 500 դոլար վերադարձրել եմ: 8 ամսվա համար սկզբում 10 հազար դոլար էր ուզում, հետո մտափոխվեց ավել ուզեց: Հայտնի վաշխառու Արտակ Մաքսիմի Մարտիրոսյանն է, բոլորը գիտեն, դատավոր Բալյանի մոտ ասեց 10 հազար, հետո դատի ժամանակ 15 հազար, հիմա էլ 20 հազար տոկոս է ուզում: Ի՞նչ անեմ, թողնեմ գնամ այս երկրից: Արյուն եմ տվել, սաղ մարմինս քարտեզ ա»,- newspress.am-ի հետ զրույցում մանրամասնեց Խաչիկ Գասպարյանը:

Նա նաև ասաց, որ երեկ մայրը սրտի կաթված է ստացել, տեղափոխվել է հիվանդանոց: Նա նշեց, որ չգիտեն ինչ են անելու այսօր հարևանները, բարեկամները կօգնեն, վաղը ինչ է լինելո`ւ չի կարող ասել:

Հիշեցնենք, որ այսօր նրա հարևաները և ազատամարտիկ ընկերները փորձում էին խանգարել ԴԱՀԿ աշխատակիցներին ընտանիքին դուրս վռնդել, սակայն չի հաջողել կանխել վտարման գործընթացը: