Առգրավել են օրինական զենքեր, հերթական շոուն է. Սերգեյ Հարությունյան

«Վստահ եմ, որ այս շենքում պրոֆեսիոնալ իրավաբաններ են, նրանք այս վարույթի նյութերին ծանոթանալով ու տղայի ցուցմունքը  լսելուց հետո լիարժեք հասկացել ու պատկարացրել են, որ խոսք է գնում ընդամենը սպորտաձևի մասին»,- ՔԿ դիմաց լրագրողներին ասաց փաստաբան Սերգեյ Հարությունյանը՝ անդրադառնալով ՀՅԴ երտասարդներից մեկի տանը խուզարկության ժամանակ հայտնաբերված խաղի հետ կապված սպորտային պարագաներ։ Նա նշեց, որ  այդ պարագները փորձում են կապել գուցե հնարավոր ինչ-որ պայթուցիկ նյութերի հետ։

«Դա իրենց համար նվեր էր։ Իմանալով, որ այդ տղան Դաշնակցության երիտասարդական միության անդամ է, բերել ու կապել են ՀՅԴ հետ։ Այդ տղային մեղադրում են պայթուցիկներ պահելու մեջ»,- ասաց փաստաբանը։  

Ըստ նրա, ամենայն հավականականությամբ, ինչ-ինչ ցուցում են ստացել ներկայացնել հերթական շոուն։

Ս.Հարությունյանը  ՀՅԴ ԳՄ անդամ Վահագն Մատինյանի պաշտպանն է։ Նա ասաց, որ իրեն փոխանցել են՝ Վահագն Մատինյանի տանը խուզարկության ընթացքում առգրավել են օրինական զենքեր։

Փաստաբանը նաև հայտնեց, որ դուռը չեն բացում, որպեսզի մտնեն ներս ու հասկանա՝ ինչ է կատարավում։