Սամվել Ալեքսանյանը երաժշտություն է պատվիրում, ՍԱՊԾ-ն՝ չափ տալիս

Օրերս սննդի անվտանգության պետական ծառայությունն արգելել էր շուրջ 20 տոննա հավի սառեցված մսի ներմուծումը Հայաստան: Կարծես թե այս գործընթացում որևէ տարօրինակ ոչինչ չկա, այնուամենայնիվ, ի՞նչ կա իրականում: Նշենք, որ սահմանային վերահսկողության շրջանակներում ՀՀ ԳՆ սննդամթերքի անվտանգության պետական ծառայությունը Միթ Իմփորթ ՍՊԸ-ի կողմից Ուկրաինայի Հանրապետությունից ներմուծվող հավի սառեցված միսն ուղարկել է լաբորատոր փորձաքննության:

Արդյունքում պարզվել է, որ բեռը լիստերիա ցուցանիշով չի համապատասխանում Մաքսային միության (ԵԱՏՄ) «Սննդամթերքի անվտանգության մասին» տեխնիկական կանոնակարգի պահանջներին: ՍԱՊԾ-ն գտել է, որ տվյալ սննդամթերքն օգտագործելու համար պիտանի չէ, և արգելվել է բեռի ներմուծումը հանրապետություն, իսկ տնտեսավարողին հանձնարարվել է այն ոչնչացնել կամ վերաարտահանել: Միթ Իմփորթ ՍՊԸ-ի տնօրենը Վաչագան Մկրտչյանն է:

Նշենք, որ հավի սառեցված մսի խոշոր ներկրող է Սամվել Ալեքսանյանը և այս տարիներին անընդհատ այս գործարարի անունը շրջանառվում է արգելված մսի ներկրման, արտահանման, իրացման, կամ ի թիվս այլ խարդախությունների, նաև հավի և խոզի մսի տարբեր խարդախությունների մեջ: Հիշեցնենք, որ մի քանի տարի առաջ էր, երբ բրազիլական ներկրված, մասնավորապես «Սադիա» տեսակի մեջ հայտնաբերվել էր տեստոստերոն հորմոնի մեծ քանակություն:

Ի պատասխան լրատվամիջոների տարածած տեղեկատվությանը` տեսչությունը հայտնել էր, որ «Սադիա» ապրանքանիշի հավերում հորմոնների շեղում չի հայտնաբերվել: Սակայն ի վերջո, «Հետք»-ը հոդված էր պատրաստել, որտեղ մինչև հրապարակելը ուսումնասիրել էր Բրազիլիայից ներմուծվող սառեցված թռչնամսի ներմուծման ընթացակարգը ու լաբորատոր փորձաքննության փաստաթղթերը, որոնցից երևում էր, որ սառեցված թռչնամսի որոշ խմբաքանակներ: