Մենք պետք է սովորենք հարգել ոստիկաններին. Է.Շարմազանով

Ես չեմ ուզում դատավորի դեր ստանձնել, բայց իր մոտ այնպիսի տպավորություն է ստեղծվել, որ ոստիկաններն իրենք չէին ցանկանում, որ բախումներ լինեին:

Այդ մասին ՀՀԿ Գործադիր մարմնի նիստից հետո լրագրողներին ասել է ԱԺ փոխնախագահ, ՀՀԿ մամուլի քարտուղար Էդուարդ Շարմազանովը՝ մեկնաբանելով Մաշտոցի պողոտայում տեղի ուենցած բախումները։

Նա նշեց, որ ընդունում է՝ քաղաքացիներն իրենց կարծիքը կարող են արտահայտել նաև ակցիաների միջոցով, բայց իր համար անակնկալ էր՝ տեղի ունեցավ մի բան, որը «գոնե մեր մենթալիտետի համար, կամ մեր մայրաքաղաքում ու երկրում կարծես թե առաջին անգամ տեղի ունեցավ»:

«Մեր աշխարհընկալման մեջ, մեր Հայաստանում ընդունված չի եղել, որ կանայք պառկեն և մեխեն իրենց ասֆալտին»,- ասաց Էդուարդ Շարմազանովը:

Դիտարկմանը, թե ոստիկանները ուժ են կիրառել ցուցարարների նկատմամբ, Շարմազանովը պատասխանել է.

«Մենք պետք է զերծ մնանք սադրանքներից, ինձ համար դրանք ընդունելի չեն: Ի վերջո, մենք շատ ենք հարգում մեր քաղաքացիներին, նրանց ազատության իրավունքը, բայց յուրաքանչյուր ժողովրդավարական երկրում, ակցիաների ժամանակ հարգանք կա ոստիկանների նկատմամբ: Մենք պետք է սովորենք հարգել մեր ոստիկաններին»,- ընդգծեց Էդուարդ Շարմազանովը: