Իսրայելը Գազայում սպանել է սննդի հերթում սպասող 72 պաղեստինցու

Հունիսի 29-ին Գազայի հատվածում Իսրայելի բանակի հարվածների հետևանքով զոհվել է առնվազն 72 մարդ: Կան մեծ թվով վիրավորներ:

Այս մասին հայտնել է կատարական Al Jazeera հեռուստաալիքը՝ հղում անելով բժշկական աղբյուրներին։

Մասնավորապես, իրենց տեղեկությունների համաձայն, վերջին օրվա ընթացքում Գազա քաղաքում Իսրայելի կողմից իրականացված հարձակման հետևանքով զոհվել է 72 պաղեստինցի։

Նրանց թվում են եղել օգնության բաշխման կենտրոններում սնունդ փնտրող մարդիկ, քանի որ պաշարված Գազայում արդեն իսկ աղետալի մարդասիրական իրավիճակը վատթարանում է ամեն օր, նշում է հեռուստաալիքը։