2 Սրբազանի կալանավորած դատավորը սքողել է իրեն հետնանկար սրբապատկերով

Դատավոր Մասիս Մելքոնյանն արդեն 2 Սրբազանի է կալանավորել՝  Շիրակի թեմի առաջնորդ Միքայել արքեպիսկոպոս Աջապահյանին և Բագրատ Արքեպիսկոպոս Գալստանյանին:

Ուշագրավ է, որ 2016 թվականից, այս մարդու ֆեյսբուքյան էջի ետնանկարը  Հայ առաքելական սուրբ եկեղեցին է՝ Հիսուս Քրիստոսի պատկերով:

Կարելի է կարծել, որ նա ապավինում է Աստծուն ու վախենում Աստծո դատաստանից:

Բայց սա, եթե իրականություն չէ, ապա խաբկանք է, որ հատուկ է ամեն մի մարդու, ով իր գործած մեղքերը փորձում է սքողել Աստծո անվան տակ:

Փաստացի, դատավոր Մելքոնյանը կալանավորման ուղարկեց եկեղեցու առաքյալին: Այն, որ դատախազությունը  նրան մեղքեր է վերագրել, դեռ չի նշանակում, որ դատավորը չպետք է հաշվի առներ հակափաստարկները:

Թե ինչպես է պատահում, որ իր թիկունքում եկեղեցու պատկերով նկարով դատավորը ձեռք է բարձրացնում նույն այդ եկեղեցին  ավելի քան 2 տասնյակ տարի ներկայացնող հոգևորականների վրա, թողնում ենք ձեր մեկնաբանությանը՝ միևնույն ժամանակ ընդգծելով, որ իշխանության պայքարը ոչ թե անձի, այլ հենց եկեղեցու դեմ է:

Թերևս այս պարագայում սրբապատկերով ետնանկարներն էլ  նրան չեն փրկի Աստծո դատաստանից:

Արմինե Մկրտումյան