Երկրաշարժ Հայաստանում. Ստեփանավանում այն զգացվել է 3-4 բալ ուժգնությամբ

Այսօր՝ մարտի 24-ին, տեղական ժամանակով ժամը 07.54-ին, (Գրինվիչի ժամանակով` 03.54-ին) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել 2.5 մագնիտուդով երկրաշարժ: Այս մասին տեղեկացնում են ԱԻՆ-ից:
Էպիկենտրոնի աշխարհագրական կոորդինատներն են` հյուսիսային լայնության 40.93 աստիճան եւ արեւելյան երկայնության 44.39 աստիճան:

Երկրաշարժի օջախը գտնվել է երկրի մակերևույթից 10 կմ խորության վրա: Ստորգետնյա ցնցման ուժգնությունն էպիկենտրոնում կազմել է 3-4 բալ:

Երկրաշարժը զգացվել է Ստեփանավան քաղաքում և մոտակա բնակավայրերում 3-4 բալ ուժգնությամբ: