Դատապարտում ենք ՀՀ իշխանությունների քաղաքական հարձակումը Կաթողիկոսի և Եկեղեցու վրա. Սինջար եզդիների ազգային միավորում
Հայ Առաքելական Սուրբ Եկեղեցու և Ամենայն Հայոց Կաթողիկոս Գարեգին երկրորդի շուրջ տեղի ունեցող հարձակումների կապակցությամբ Սինջար եզդիների ազգային միավորումը հայտարարություն է տարածել, որում ասվում է.
«Մենք՝ Սինջար եզդիների ազգային միավորումը, խորը մտահոգությամբ հետևում ենք վերջին շաբաթներին ծավալվող արշավին, որն ուղղված է Հայ Առաքելական Սուրբ Եկեղեցու և Ամենայն Հայոց Կաթողիկոս Գարեգին Երկրորդի դեմ։
Հայ Առաքելական Եկեղեցին հարյուրամյակներ շարունակ եղել է հայ ժողովրդի հոգևոր հենարանը, ազգային ինքնության պահապանն ու ճգնաժամերի պայմաններում՝ ուժի աղբյուրը։ Այս ինստիտուտի վրա հարձակումն անթույլատրելի է ոչ միայն հայերի, այլև Հայաստանում ապրող բոլոր ազգային ու կրոնական փոքրամասնությունների համար, քանզի այն ուղղված է պետության կայունության, արժեքների և բազմազանության դեմ։
Մենք դատապարտում ենք Հայաստանի իշխանությունների կողմից կազմակերպված քաղաքական հարձակումը Կաթողիկոսի և Եկեղեցու վրա։ Երբ պետության ղեկավարությունը փորձում է վարկաբեկել հոգևոր ինստիտուտները, դա ոչ թե հոգևոր դաշտը կարգավորելու, այլ սեփական ձախողումներն ու վախերը կոծկելու փորձ է։
Որպես եզդի ժողովուրդ՝ մենք լավ հիշում ենք, թե ինչպես է Հայ Առաքելական Եկեղեցին եղել մեր ցավերի ու պայքարի կողքին։ Երբեք չենք մոռանա, որ Կաթողիկոս Գարեգին Երկրորդն անձամբ արձագանքեց Սինջարի ողբերգությանը, կանգնեց եզդի ժողովրդի կողքին և բարձրաձայնեց մեր ցավը։
Մենք կոչ ենք անում Հայաստանի իշխանություններին դադարեցնել խաթարող ու պառակտիչ հռետորաբանությունը՝ գիտակցելով, որ ազգային միասնականության հիմքում պետք է լինեն արժանապատվությունն ու փոխադարձ հարգանքը։
Հայ Առաքելական Եկեղեցին մնում է սուրբ և վերքաղաքական կառույց։ Հասարակական շահերը հնարավոր չէ առաջ տանել՝ հարվածելով հոգևոր արժեքներին։
Երևան, 2025 թ. հունիս 11»։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
