Ադրբեջանցիները խմբեր են գործուղել Հայաստանի գյուղերը լուսանկարելու նպատակով

«Բաքվում հրատարակվել է ֆոտոալբոմ, որը ներկայացնում է Հայաստանի՝ նախկինում ադրբեջանաբնակ գյուղերը, որ Ալիևի վարչակազմը մտադիր է վերադարձնել ադրբեջանցիներին»,-այդ մասին հայտնել է  «Շանթ» հեռուստաընկերությունը։

Քաղաքական վերլուծաբան Արտյոմ Երկանյանը հեռուստաընկերության եթերում նշում է, որ այդ գիրքն օտարերկրյա դիվանագետների և փորձագետների համար է նախատեսված։

«Գրքի հրատարակիչ Մուսա Մերջանլին հայտարարել է, թե կես տարվա ընթացում մի քանի խումբ լուսանկարիչներ են գործուղվել Հայաստան, հայերին վարկաբեկող ֆոտոնյութերը հավաքելու համար»,-հայտնում է Արտյոմ Երկանյանը և նշեց, որ պաշտոնական Բաքուն օտարերկրյա լուսանկարիչների է վարձել, ովքեր իմացել են թե ինչ նպատակով են օգտագործվելու իրենց արած լուսանկարները և հավելեց, և հավելեց. «Քրեական հանցագործություն է տեղի ունեցել, որովհետև այդ նյութերն օգտագոծվում են ազգային թշնամանք հրահրելու համար»։

 Նա տեղեկացրեց, որ գրքի հեղինակները հայտարարել են, որ լուսանկարները հավաքելուն իրենց խանգարել են, ոչ թե ՀՀ հատուկ ծառայությունների ներկայացուցիչները, այլ տեղի շարքային բնակիչները, որոնք նկատելեն, որ վտանգավոր բան է տեղի ունենում և նրանց խանգարել են լուսանկարել։

«Մասնավորապես՝ ազգությամբ եզդիները գիտակցում էին, որ այդ լուսանկարները հայերի դեմ են օգտագործելու և արգելել են։ Թե արդյոք Հայաստանի հակահետախուզական ծառայությունները տեղյակ են եղելայդ գործողությունների մասին, հայտնի չէ»,-ասում է Արտյոմ Երկանյանը։