«Հեղափոխությունից հետո կոռուպցիոն սխեմաներ այլևս չկան»․ Գալյան
ՀՀ արդարադատության նախարար Սրբուհի Գալյանը հանդիպել է ՀՀ-ում Քեմբրիջի դպրոցի աշակերտների (Cambridge International Curriculum-Cambridge) հետ և անցկացրել հարց ու պատասխանի ձևաչափով քննարկում «Ի՞նչ է կոռուպցիան» թեմայով:
Հանդիպման ընթացքում նախարար Գալյանը նշել է, որ ՀՀ կառավարությունը որդեգրել է «Զրո հանդուրժողականություն կոռուպցիայի նկատմամբ» սկզբունքը՝ ընդգծելով կոռուպցիայի դեմ համակարգված պայքարի կարևորությունը։
Նախարարը ներկայացրել է Հայաստանում կոռուպցիայի դեմ պայքարող հիմնական պետական մարմինների գործունեությունը, այդ թվում՝ Կոռուպցիայի կանխարգելման հանձնաժողովի, Հակակոռուպցիոն կոմիտեի, Գլխավոր դատախազության և Հակակոռուպցիոն դատարանի գործառույթները։ Նա նաև ընդգծել է 2023 թվականից գործող Հակակոռուպցիոն դատարանների կարևորությունը, որոնք քննում են կոռուպցիոն հանցագործությունների վերաբերյալ գործերը։
Սրբուհի Գալյանն ընդգծել է հակակոռուպցիոն կրթության կարևորությունը՝ նշելով, որ հակակոռուպցիոն դասընթացներ են անցկացվում թե՛ բուհերում, թե՛ դպրոցներում։ Նա անդրադարձել է նաև Բարեվարքության ինստիտուտի ներդրմանը:
Անդրադառնալով ազդարարման ինստիտուտին՝ նախարարը շեշտել է, որ յուրաքանչյուր քաղաքացի, որն առերեսվում է կոռուպցիոն երևույթի հետ, կարող է անանուն կերպով ազդարարել այդ մասին, և Գլխավոր դատախազությունը պարտավոր է ուսումնասիրել այդ հաղորդումը։
«Հեղափոխությունից հետո կարող ենք արձանագրել, որ համակարգված և շղթայաձև կոռուպցիոն սխեմաներ այլևս չկան, սակայն առկա են բազմաթիվ կոռուպցիոն գործեր, որոնք քննվում են դատարաններում»,- նշել է Գալյանը։
Ուսանողների հետաքրքրությանն ի պատասխան նախարարն անդրադարձել է նաև ապօրինի ծագում ունեցող գույքի բռնագանձման գործընթացին՝ ներկայացնելով գործող օրենքի հիմնական մեխանիզմներն ու իրավական կարգավորումները։
Հանդիպումն անցել է ակտիվ ու բովանդակալից քննարկման մթնոլորտում։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
