Եթե չեք կարողանում ձեզ տիրապետել, խնդրում եմ հեռացեք․ Մարգարիտա Սիմոնյանի կոշտ արձագանքը՝ իր արտաքին տեսքը քննադատողներին

«Ռոսիա սեգոդնյա» մեդիա խմբի և RT հեռուստաալիքի գլխավոր խմբագիր Մարգարիտա Սիմոնյանը մայիսի 30-ի կեսօրին իր սոցիալական ցանցերում լուսանկար էր հրապարակել երեխաների հետ թատրոն կատարած այցից։ Լրագրողը ներկա է գտնվել «Բուրատինոն և Ոսկե բանալին» ներառական մանկական ներկայացմանը, ուր նա գնացել է այն հագուստով, որը օգտատերերը համարել են անպատշաճ՝ կաշվե բաճկոնով և լեգինսներով։

«Լեգինսները, իհարկե, դաժան են։ Եվ նաև երեխաների համար», - գրել է Սիմոնյանի ալիքի բաժանորդներից մեկը։

RT-ի գլխավոր խմբագիրը պատասխանել է.

«Ոմանք հագնում են այն, ինչ իրենց համար հարմարավետ է և ինչին սովոր են։ Իսկ ոմանք ո՛չ նրբանկատություն ունեն, ո՛չ էլ, կարծես, հոգի։

Ընդհանուր առմամբ, իմ ընկերներ, սիրելի բաժանորդներ․ ես գրեթե ամբողջ ձմեռ չէի կարողանում ուժ գտնել նորից շփվելու մարդկանց հետ։ Բայց հետո որոշեցի, որ դա անարդար կլինի նրանց նկատմամբ, ովքեր աղոթում և անհանգստանում են Տիգրանի համար։ Եվ ես նորից սկսեցի օգտվել սոցիալական ցանցերից։

Բայց տեղի ունեցածը շատ բան փոխեց և, իհարկե, ինձ տապալեց։ Ես այլևս ուժ չունեմ, ինչպես նախկինում, կարդալու կոպիտ երկխոսություններ իմ դեկոլտեի, շրթներկի և այլնի մասին։ Եվ ես իհարկե ուժ չունեմ ինձ համար նոր զգեստապահարան գնելու, որը կհամապատասխանի բոլորին։ Ես հագնում եմ այն, ինչ միշտ կրել եմ, այն, ինչ իմ ամուսինը սիրում էր և սիրում է։

Ես ուզում եմ դիմել նրանց, ովքեր չեն կարողանում զսպել կոպտությունը, անպարկեշտությունը և այս զրույցը շուկայի վերածելու փորձերը։

Ինձ հաճախ հարցնում են, թե ինչպես ենք մենք պահպանում խաղաղությունը ընտանիքում՝ ապրելով մեկ տանը՝ այդքան թվով։ Եվ այդպես էլ կա։ Մենք կոպիտ չենք, մենք թերություններ չենք գտնում, մենք զսպում ենք մեզ, նույնիսկ եթե ինչ-որ բան մեզ դուր չի գալիս։ Որովհետև մենք չենք սիրում կոնֆլիկտներ։ Եվ ցանկացած կոպտություն և նույնիսկ պարզապես անտարբերություն կոնֆլիկտ է հրահրում կամ հող է նախապատրաստում դրա համար։

Ես ուժ չունեմ կոնֆլիկտների համար։ Ես չէի կարողանում դիմանալ դրանց նախկինում, իսկ հիմա՝ ավելի շատ։

Այնպես որ, եթե չեք կարողանում ձեզ տիրապետել, խնդրում եմ հեռացեք։ Հակառակ դեպքում ես ստիպված կլինեմ հեռանալ։ Դադարել կարդալը, դադարել շփվելը։ Իսկ սա, իմ կարծիքով, սխալ կլինի մյուս հետևոորդների նկատմամբ, որոնց ես երբեք չեմ հոգնի կրկին ու կրկին շնորհակալություն հայտնել՝ իրենց աջակցության և աղոթքների համար»։