Առաջարկել եմ Արշակ Սրբազանի թեկնածությունը, անկեղծ՝ իր հետ չխորհրդացելով․ Նարեկ Մալյան

«Նիկոլ Փաշինյանը 2018 թվականին իշխանության գալուց  առաջին օրից իր թիրախում է ունեցել Հայ Առաքելական եկեղեցին, դա ոչ մեկի համար գաղտնիք չէ, նորություն չէ, այդ արշավը շարունակվում է»։ ԱԺ ընդունարանում լրագրողների հետ զրույցում ասաց «Արթուն ենք» շարժման համահիմնադիր Նարեկ Մալյանը։

Ըստ նրա, այսօր լավ հնարավորություն է ստեղծվել արագ համախմբվելու եկեղեցու, Վեհափառի օրհնությամբ և իմպիչմենտի գործընթացը, որի միակ խոչընդոտն այս պահի դրությամբ ընդդիմության կողմից թեկնածուի բացակայությունն է, բանակցությունները են ընթանում այս պահին թեկնածուի շուրջ, դրական, կառուցողական հուն մտցնել։

«Այդ բանակցությունները դրական հուն կարող են մտնել, եթե  բարձրաստիճան եկեղեցական, ինքս առաջարկել եմ Արշակ Սրբազանի թեկնածությունն, անկեղծ իր հետ չխորհրդացելով, առաջնորդի այս ամենը և հասցնենք իրավական լուծման։ Եկեղեցին կարող է իր բարձր դերակատարումն ունենալ ընդդիմադիր պառակտված, ոչ համախմբած իրավիճակին վերջ տալու, սովորական մարդկանց, մեզ պես մարդկանց սպասումներին ընդառաջ գնալու, անվստահության գործընթացը գլուխ բերելու գործում»,- ասաց Նարեկ Մալյանը։

Նա կարծում է, որ ամենալավ բանակցողը կարող է լինել եկեղեցին, թեկուզ նույնիսկ թեկնածություն չառաջադրվի եկեղեցու կողմից, բայց գոնե բանակցային առումով ավելի շահեկան դիրքեր կլինեն, եթե այդ  բանակցություններն իր վրա վերցնի Ամենայն Հայոց կաթողիկոսը կամ եեղեցու սրբազան հայրերից մեկը։