Նիկոլ Փաշինյանի որոշմամբ՝ Արա Շիրինյանն ու Քրիստինե Մելքոնյանը նշանակվել են Հանրային հեռարձակողի խորհրդի անդամներ

Նիկոլ Փաշինյանի մայիսի 29-ի որոշումներով՝ Արա Շիրինյանն ու Քրիստինե Մելքոնյանը նշանակվել են Հանրային հեռարձակողի խորհրդի անդամներ՝ 6 տարի ժամկետով։

«Ղեկավարվելով «Տեսալսողական մեդիայի մասին» օրենքի 23-րդ հոդվածի 3-րդ մասով և 25-րդ հոդվածի 22-րդ մասով՝
Քրիստինե Մելքոնյանին նշանակել Հանրային հեռարձակողի խորհրդի անդամ՝ վեց տարի ժամկետով»։

«Ղեկավարվելով «Տեսալսողական մեդիայի մասին» օրենքի 23-րդ հոդվածի 3-րդ մասով և 25-րդ հոդվածի 22-րդ մասով՝
Արա Շիրինյանին նշանակել Հանրային հեռարձակողի խորհրդի անդամ՝ վեց տարի ժամկետով»,-նշված է որոշման մեջ։

• Քրիստինե Մելքոնյանը 1999 թ․ ընդունվել է Երևանի Մենեջմենթի համալսարանի իրավագիտության ֆակուլտետ։ Հեռուստատեսությունում աշխատելուն զուգահեռ ստացել է լրագրության մագիստրոսի աստիճան։ Աշխատել է ՀՀ կառավարությանն առընթեր տնտեսական բարեփոխումների կենտրոնում՝ որպես հեռուստառադիոփորձագետ, ինչպես նաև «Նոյան տապան» և «Ար» հեռուստաընկերություններում։ 2000-ից աշխատում է Հայաստանի Հանրային հեռուստաընկերությունում՝ «Առաջին» լրատվական ծրագրի մեկնաբան։ 2009-2010 թթ․ դասավանդել է Տնտեսագիտական համալսարանում, 2022-ից՝ ԵՊՀ ժուռնալիստիկայի ֆակուլտետում։ 2023-ից Սահմանադրական դատարանի մամուլի քարտուղարն է։
• Արա Շիրինյանը ավելի քան 20 տարի աշխատել է Հայաստանի պետական հեռուստատեսությունում՝ որպես ռեժիսոր և պրոդյուսեր։ 2004-2018 թթ. ղեկավարել է «Շողակաթ» հեռուստաընկերության գեղարվեստական ուղղությունը։ Դասավանդել է Երևանի պետական համալսարանում, եղել է բազմաթիվ փորձագիտական հանձնաժողովների անդամ, այդ թվում՝ «Ոսկե ծիրան» միջազգային կինոփառատոնի ժյուրիի կազմում։ Շիրինյանը համահիմնադրել է «Վերսուս» ֆիլմարտադրող ստուդիան և հեղինակ է մի շարք միջազգային մրցանակների արժանացած վավերագրական ֆիլմերի։ 2019-2025 թթ. եղել է Հանրային հեռարձակողի խորհրդի նախագահ։