20 օր է Լիլիթ Աղեկյանին ապօրինաբար պահում են անազատության մեջ, որից առաջին 30 ժամը նրան ենթարկել են կտտանքների և անմարդկային վերաբերմունքի․ Փոստանջյանը դիմել է դատավորին
Լրագրող Լիլիթ Աղեկյանի պաշտպան Զարուհի Փոստանջյանը դիմում է ներկայացրել՝ ՀՀ Վերաքննիչ քրեական դատարանի դատավոր Գրիգոր Հովհաննիսյանին։ Դիմումում Փոստանջյանը խնդրել է ողջամիտ ժամկետում քննել Աղեկյանի խափանման միջոցի հարցը։
Դիմումի բովանդակությունը՝ ստորև․
«Հարգելի պարոն Հովհաննիսյան,
Ձեր վարույթում է գտնվում հետաքննող լրագրող Լիլիթ Աղեկյանի բողոքը` իր նկատմամբ ՀՀ Շիրակի մարզի առաջին ատյանի ընդհանուր իրավասության դատարանի 09.05.2025 թվականին կալանքը որպես խափանման միջոց մեկ ամսով սահմանելու որոշման դեմ:
20 օր է Լիլիթ Աղեկյանին ապօրինաբար պահում են անազատության մեջ, որից առաջին 30 ժամը նրան ենթարկել են կտտանքների և անմարդկային վերաբերմունքի:
Այժմ Լիլիթ Աղեկյանի բողոքը հասել է Ձեզ և Դուք ունեք հնարավորություն բողոքին շտապ լուծում տրամադրել ու չսպասել օրենքով սահմանված առավելագույն ժամկետին, իսկ առավելագույն ժամկետը` Ձեր կողմից Լիլիթ Աղեկյանի կալանավորման դեմ ներկայացված բողոքի քննության և լուծման համար մինչև 10 օր է:
Այսինքն, Լիլիթ Աղեկյանի բողոքի քննությունը Դուք կարող եք անցկացնել այսօր, կայացնել նրան այսօր ազատ արձակելու որոշում, ինչպես նաև կարող եք այդ որոշումը կայացնել 10 օրվա մեջ, որն արդեն համընկնում է Լիլիթ Աղեկյանի կալանքի ժամկետը կրելու սպառված լինելու փաստի հետ:
Ուստի, հիմք ընդունելով վերոգրյալը խնդրում եմ ղեկավարվելով ՀՀ դատական օրենսգիրք սահմանադրական օրենքով` արդարադատության շահերից ելնելով, ողջամիտ ժամկետ կիրառել և հենց այսօր քննել ու լուծել Ձեր իրավասությանը վերապահված Լիլիթ Աղեկյանի վերաքննիչ բողոքը:
Հ․Գ․
Ես ինձ իրավունք եմ վերապահում կոչ անելու բոլոր այն անձանց, կազմակերպություններին ովքեր այս ընթացքում սրտացավ են եղել Լիլիթ Աղեկայնի խախտված իրավունքերի վերականգնման հարցում, իրենք ևս իրենց կողմից նամակ հղեն դատավոր Գրիգոր Հովհաննիսյանի՝
[email protected] էլեկտրոնային հասցեին։
Հարգանոք
Լիլիթ Աղեկյանի փաստաբան՝ Զարուհի Փոստանջյան
27 մայիսի, 2025թ․»։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
