Դա 100 տոկոսով Աննա Հակոբյանը չէ, Նիկոլ Փաշինյանն է․ Էդգար Ղազարյանը վստահ է

Քաղաքական գործիչ Էդգար Ղազարյանը կարծում է, որ Աննա Հակոբյանի էջում իր հասցեին գրված մեկնաբանության հեղինակն ամենևին էլ Հակոբյանը չէ։

«Դա 100 տոկոսով Աննա Հակոբյանը չէ, Նիկոլ Փաշինյանն է։ Վստահ եմ։ Մարդ ու կին տանը նստում են, որպեսզի ինքն իր  ֆեյսբուքյան օգտահաշվից գրառում չանի, քանի որ վարչապետ է, պաշտոնապես դա չընկալվի, միասին նայում են, օրինակ, իմ ճեպազրույցն այս ընդունարանից, խառնվում են իրար, հասկանում են, որ իրենց գործերը լավ չէ»,- լրագրողների հետ զրույցում ասաց Էդգար Ղազարյանը։

Նա ընդգծեց, որ, ի վերջո, այս իմպիչմենտի գործընթացի լրջությունը, հնարավոր զարգացումները, հետևանքները շան պես հասկանում են, գիտեն՝  վերջն ինչի է տանելու։ 

Ըստ Ղազարյանի` Աննա Հակոբյանի ու Նիկոլ Փաշինյանի «տգետների դպրոց» մարդիկ ստիպողաբար են գնում, «մարզպետներով, համայնքի ղեկավարներով զանգում են, որ մարդ լինի»։  

«Նայում են այդ մարդկանց դեմքերին, սթրես են ապրում, թե ինչ է կատարվում։ Հասկանում են, թե ինչից է այս ժողովրդի  վերաբերմունքը. ընդդիմախոսների խոսույթից է, ու մարդ ու կնիկ  հարձակվում են մեր վրա»,- ասաց նա։

Նա նշեց, որ ինքը հայտարարել է օրը մոտավորապես 1 միլիոն 700  հազար դրամ  կազմում է  մենակ իրենց ամառանոցների պահպանման ծախսը. «Դա լրագրողական  հարցումով ստացված տեղեկություն է։

Հիմա սխա՞լ եմ ասում, թող իրենք ճիշտն ասեն, հրապարակեն, թե օրական ինչքան ծախս է  կազմում։

Աննա Հակոբյանին սպասարկում է 2023 թվականի «Լեքսուս» մակնիշի մեքենա։ Մտնում ես կայք, գինը գրված է։ Մամուլը գրել էր՝ 135 հազար դոլար է մեքենան։

Սո՞ւտ է դա։ Մյուս նախագահների, երկրի ղեկավարների կանայք նման մեքենաներ, թիկանազոր չեն ունեցել։ Ասում են՝ ինչո՞ւ եք մեր կոռուպցիան, չարաշահումները, ցոփ ու շվայտ կյանքը բարձրաձայնում։ Ասում են՝ ինչո՞ւ եք ասում մարդ ու կին պետական ուղղաթիռը վերացրել, գնացել են Տաթև տգետների դպրոց։

«Իմ քայլը» հիմնադրամի միջոցառումն է, թող վարձեր մասնավոր ինքնաթիռ, պետական ուղղաթիռով  մասնավոր հիմնադրամի կողմից կազմակերպված միջոցառմանն ինչո՞ւ են գնում։

Իրենք այդ ամենի պատասխանը տալու են»,- ասաց Էդգար Ղազարյանը։