Վերականգնվել է պետությանը պատճառված 1 միլիոն 338 հազար դոլարին համարժեք դրամը
Գլխավոր դատախազության տնտեսական գործունեության դեմ ուղղված հանցագործությունների գործերով վարչության հսկողության ներքո գտնվող՝ Քննչական կոմիտեում քննվող քրեական վարույթներից մեկով պարզվել է, որ շինարարական և այլ ծառայությունների մատուցմամբ զբաղվող 18 տարբեր ընկերություններ, 2023-2024 թվականների ընթացքում, առանց իրական ապրանքաշրջանառության դուրս գրված կեղծ հարկային հաշիվները ներառել են ընկերությունների ԱԱՀ հաշվետվություններում: Վերոնշյալ գործողությունների հետևանքով՝ ընկերությունները ստացել են ԱԱՀ-ի դեբետային գումարները միասնական հաշվին որպես գերավճար ձևակերպելու, ինչպես նաև շահութահարկի հաշվարկում կեղծ տվյալներ ներառելու, ավել նվազեցումներ հայտարարագրելու միջոցով շահութահարկ վճարելուց խուսափելու հնարավորություն՝ պետությանը պատճառելով առանձնապես խոշոր չափերի վնաս:
Դատախազը 2025 թվականի ապրիլ-մայիս ամիսների ընթացքում սեփական նախաձեռնությամբ հանրային քրեական հետապնդումներ է հարուցել 18 ընկերությունների տնօրենների նկատմամբ՝ Քրեական օրենսգրքի 290-րդ հոդվածի 3-րդ մասի 2-րդ կետով և 290-րդ հոդվածի 1-ին մասով (խոշոր և առանձնապես խոշոր չափերով հարկեր չվճարելը):
Մեղադրյալներից մի քանիսն ընդունել են իրենց ներկայացված մեղադրանքը և նախաքննության ընթացքում վերականգնել պետությանը պատճառված վնասից 1 միլիոն 338 հազար ԱՄՆ դոլարին համարժեք 517 միլիոն 583 հազար դրամը:
Նախաքննությունն ընթացքի մեջ է:
Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
