Կուսակցականներին կարգելվի ընդգրկվել բուհերի կառավարման մարմիններում․ Ժաննա Անդրեասյան
Կառավարությունն իր այսօրվա՝ մայիսի 15–ին հավանություն տվեց «Բարձրագույն կրթության և գիտության մասին» օրենքում փոփոխությունների նախագծին, ըստ որի, կուսակցական անձինք կամ պետական բարձր պաշտոններ զբաղեցնողները չեն ներգրավվի խոշորացված բուհերի կառավարման մարմիններում և ղեկավար պաշտոններում։
Այս մասին նախագիծը Կառավարության նիստի ընթացքում ներկայացրեց ԿԳՄՍ նախարար Ժաննա Անդրեասյանը։
Սա զուգակցվելու է էթիկայի ստանդարտների սահմանմամբ, ինչը կարգելի բուհերում կուսակցական կամ այլ տիպի գործունեությունը կամ քարոզը․ Ըստ նախագծի, այդ անձանց՝ կուսակցական դառնալը հիմք կհանդիսանա պաշտոններից անձի ազատման համար:
ԿԳՄՍ նախարար Ժաննա Անդրեասյանի խոսքով՝ սա կառավարության հատուկ հանձնառությունն է, և օրենսդրական փաթեթը նախատեսում է այդ խնդրի հասցեագրումը․ «Բուհերի կառավարման համակարգը դառնում է ավելի հորիզոնական՝ պատասխանատվությունների և հակակշիռների բազմաշերտ համակարգի նախատեսմամբ»։
«Բուհական համակարգը պաշտպանված չէ արտաքին միջամտությունից, ենթակա է քաղաքականացման վտանգին, այս իմաստով կա քաղաքական հանձնառություն հանրային կառավարման, քաղաքական պաշտոններում և կուսակցական անձանց մասնակցությունը սահմանափակելու բուհերի և գիտական կազմակերպությունների կառավարման մարմիններում, ինչի նպատակն է բուհական համակարգը զերծ պահելու քաղաքական գործընթացներից»,-նշվում է նախագծու հիմնավորման մեջ։
Հիշեցվում է, որ բուհական և գիտական հաստատությունների առաջնային խնդիրն է հանդիսանում կրթության իրավունքին անկողմնակալ ծառայությունը, անաչառ հետազոտական գործունեությունը և կարծիքների ու մոտեցումների բազմազանությունը։
«Դրանց համար առնվազն կառավարման մակարդակում պետք է բացառել նշված դեպքերը, ինչը նաև հանդիսանում է սահմանադրական պահանջից բխող՝ բուհերի ինքնակառավարման համակարգի հետագա զարգացման հնարավորությունը և ինքնավարության ու ակադեմիական ազատությունների իրացման գործիքներից մեկը: Բուհերի կառավարման գործող սխեմայով հստակ կարգավորված չէ հոգաբարձուների խորհուրդներում արտերկրի առաջատար մասնագետների ներգրավման հնարավորությունը, ինչը սահմանափակում է կառավարման բարձրագույն մարմինների ձևավորման հնարավորությունները»,-նշվում է նախագծում։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
