147-րդ մանկապարտեզը չպետք է նորոգվեր, վթարային էր և ենթակա քանդման, բայց թալանի սխեման այլ որոշում է թելադրել. Չախոյան (տեսանյութ)

Հանրային գործիչ Արթուր Չախոյանը ֆեյսբուքում տեսագրություն է հրապարակել թիվ 147 մանկապարտեզից, որի համար Երևանի քաղաքապետարանն արդեն վճարել է 90% գումարը, բայց աշխատանքը անորակ է կատարված։

«Ո՛չ փողը կա, ո՛չ էլ մանկապարտեզը։

2023թ-ին թիվ 147-րդ մանկապարտեզը պետք է հանձնվեր շահագործման, սակայն մինչ այժմ այն չի գործում։ Ավելի զավեշտալին այն է, որ այդ չգործող մանկապարտեզի աշխատանքների համար արդեն վճարվել է ամբողջ գումարի 90 տոկոսը։ Փաստորեն՝ գումարը վճարված է, մանկապարտեզը՝ չի գործում։ Եվ, իհարկե, ըստ իշխանությունների՝ այս ամենում մեղավոր է Պուտինը, ոչ թե իրենք։

147-րդ մանկապարտեզը չպետք է նորոգվեր, քանի որ այն վթարային էր և ենթակա է քանդման։ Բայց թալանի սխեման այլ որոշում է թելադրել։ Որոշել են այնուամենայնիվ «նորոգել»՝ քանդման ենթակա շենքը։ Եվ դրա համար վճարվել է 237 միլիոն դրամ՝ այսինքն գումարի 90%-ը վճարված է։ Իսկ շենքը շահագործման ենթակա չէ։

Կրկնեմ՝ այն ենթակա է քանդման։

Հիանալի ծրագիր է՝ փող թալանելու համար։ Արագի մեջ թքել-կպցնելով «բարեկարգում» են անորակ վթարային շենքը, որից հետո պարզվում է, որ այն իրականում շահագործման ենթակա չէ։ Եվ այդ ամբողջ գումարը՝ արդեն վճարված է, ո՛չ փողը կա, ո՛չ էլ մանկապարտեզը։

147-րդ մանկապարտեզի ներսի թքած-կպցրած վիճակը կհրապարակվիՄեսրոպ Մանուկյանի էջում»։